Arxiv
18 İyul 2019, 08:45 | MEDİA
Azərbaycan jurnalistikasının dörd “muşketyoru”...

Qarşıdan milli mətbuat gününün növbəti ildönümü gəlir. Bu münasibətlə sizə Azərbaycan jurnalistikasında kifayət qədər nüfuz qazanan dörd insandan danışmaq istəyirəm. Yəqin ki, onların dostluğundan hər kəsin xəbəri vardır...


Nədənsə hər dəfə onları bir yerdə görəndə Aleksandr Dümanın “Üç muşketyor” əsəri yadıma düşür. Bildiyiniz kimi həmin romanda “Hamı bir nəfər üçün, bir nəfər hamı üçün” şüarı ilə yaşayan ayrılmaz dostlardan- Dartanyan, Atos, Portos və Aramisdən söhbət açılır. Elə mən də dostluq şarjı kimi sözlə çəkəcəyim bu rəsmdə Elçin Şıxlı, İbrahim Nəbioğlu, Qulu Məhərrəmli və Arif Əliyevi şərti olaraq, bu əsərdəki qəhrəmanlara bənzətmək istəyirəm. Elçin Şıxlını Dartanyan, İbrahim Nəbioğlunu Atos, Qulu Məhərrəmlini Portos, Arif Əliyevi isə Aramis kimi təqdim edəcəm…


Başlayaq Dartanyandan. 1989-cu ildə böyük söz davasına atılanda otuz iki yaşı var idi. "Azəpbaycan Kommunisti" - "Kommunist Azerbaydjana" jurnalında ilk dəfə döyüşə başladı. Elə ilk vaxtlardan da şpaqası, daha dəqiqi qələmi ilə sübut etdi ki, bacarıqlı, istedadlı, döyüşkən muşketyordur, yəni qələm adamıdır. Sonra "Ayna"-"Zerkalo" qəzetləri redaksiyasında baş redaktor müavini, 1998-ci ilin fevralından 1999-cu ilin mayınadək "Al-ver" qəzetinin baş redaktoru, 1999-cu ilin mayından 2001-ci ilin yanvarınadək "Ayna Mətbu Evi" şirkətinin prezidenti kimi sözlə meydan sulayıb, “döyüş” bacarığını nümayiş etdirib. 2001-ci ilin yanvarından 2014-cü ilədək "Ayna"-"Zerkalo" qəzetlərinin baş redaktoru olsa da, 2016-cı ildə ayna.az saytı və Ayna TV-ni təsis edərək dostlarına böyük söz davasında əlvə meydan açıb…


Atos ilk dəfə əlinə “şpaqa” götürüb, böyük söz davasına atılanda cəmi iyirmi doqquz yaşı olub. Çox cəbhələrdə sücaət göstərib, həmişə “muşketyor” şərəfinə sədaqətli qalıb. Hələ də böyük söz davasında ləyaqətlə vuruşur…

Portosun böyük söz davasında zəngin təcrübəsi var. Uzun döyüş yolu keçib. Yaşı altmış beşi haqlasa da hələ də "şpaqasını" yerə qoymur. Bununla yanaşı gənc “muşketyorları” böyük söz davasına hazırlayır...


Aramis böyük söz davasına əsl peşəkar “muşketyor” kimi gəlib. Çox döyüş meydanlarında “şpaqasının” kəsərini göstərib...


Qısa arayışla təqdim etdiyim bu insanlar dostdurlar, tez-tez Dartanyanın açdığı döyüş meydanında olurlar. Onlar burada sözün qüdrətindən istifadə etməklə yanaşı, korşalmaq bilməyən “şpaqaları” ilə həqiqəti aşkara çıxarmağa səy göstərirlər. Atos efirdə az-az görünsə də “şpaqasına” dinclik vermir...


“Şpaqası” ilə haqq sözə yol açan Dartanyan efirdə ciddi, təmkinli görünsə də, Portos əzəmətli görkəmi, qətiyyətli çıxışları ilə taktiki gedişlər edir. Sərt sözü nəzakətlə sahibinə yollayan Aramis isə ustalıqla marifləndirmə missiyasını həyata keçirir...


Onların hər biri təcrübəli “muşketyor” olmaqla yanaşı sözün əsl mənasında böyük insanlardır. Dövlətimiz və xalqımız qarşısında xidmətləri var. Bir neçə gündən sonra, iyulun 22-də ölkəmizdə milli mətbuat günü qeyd ediləcək. Bu münasibətlə müasir Azərbaycan jurnalistikasının cəsur “muşketyorları”, daha doğrusu görkəmli nümayəndələri- Qulu Məhərrəmlini, Elçin Şıxlını, Arif Əliyevi, İbrahim Nəbioğlunu mətbuatın məhdudiyyət tanımadığı Amerika Birləşmiş Ştatlarından təbrik edir, onların timsalında ölkəmizin kütləvi informasiya vasitələrində çalışan soydaşlarımızın hər birinə yaradıcılıq uğurları arzulayıram...


P.S. İndi siz deyin, buna dostluq şarjı söyləmək olarmı?


Elman Eldaroğlu,
ABŞ, Miçiqan

 

BU KATEQORİYADAN OLAN DİGƏR XƏBƏRLƏR
+ Arxiv
Yerevan Azərbaycana qarşı Putinin hərbi blokundan yardım umur 26 Avqust 2019, 13:13 Tramp G7 liderləri ilə Rusiyaya görə dalaşdı 26 Avqust 2019, 12:58 Azərbaycanın 7 rayonunda yanğın olub - Nazirlikdən AÇIQLAMA   26 Avqust 2019, 12:57 Sabahın hava PROQNOZU 26 Avqust 2019, 12:54 Azercell uşaqları və məcburi köçkünləri sevindirdi 26 Avqust 2019, 12:54 İndoneziya sahillərində yük gəmisi yoxa çıxıb 26 Avqust 2019, 12:16 Məktəbəhazırlıq qruplarında dərs deyən müəllimlər təlimlərə cəlb olunur 26 Avqust 2019, 12:06 “Bu il 5 yaşında olan uşaqların 90 faizi məktəbəhazırlıq qruplarına qəbul olunacaq” 26 Avqust 2019, 11:47 Mehriban Əliyeva ailə, dəyərlər və xoşbəxtlik HAQQINDA 26 Avqust 2019, 11:26 Ermənilər Kəlbəcərin ən yüksək zirvəsindən FOTOLAR yaydılar 26 Avqust 2019, 11:24 “Azərenerji ASC “Şəmkir” SES-də təmir-bərpa işləri aparır 26 Avqust 2019, 11:21 Bəzi rektorlar Təhsil Nazirliyinin qərarını qulaqardına vururlar - QALMAQAL 26 Avqust 2019, 11:16 Qida məhsullarının qəbulu, saxlanması və daşınması üzrə təlim keçirilib 26 Avqust 2019, 11:00 Bir şəklin tarixçəsi: Xomeyninin dəfnindəki DƏHŞƏTLİ HADİSƏ - Tabutu niyə 3 dəfə yerə düşdü... 26 Avqust 2019, 10:59 Nazirlik restoranlarda yenidən monitorinq keçirdi - Tüstüyə görə 26 Avqust 2019, 10:58 Qaraçuxur və Suraxanı qəsəbələrində su kəsiləcək 26 Avqust 2019, 10:50 Məktəbə BirKart-la hazırlaş! 26 Avqust 2019, 10:47 Bakıda jurnalisti DÖYDÜLƏR - FOTO 26 Avqust 2019, 10:30 Bakıda klassik avtomobillərin yürüşü və sərgisi keçirildi - FOTOLAR 26 Avqust 2019, 10:20 Prezidentdən Allahşükür Paşazadədoğum günü TƏBRİKİ 26 Avqust 2019, 10:19 Məktəbəhazırlıq qruplarına elektron ərizə qəbulu başlayır   26 Avqust 2019, 10:14 İlham Əliyev Allahşükür Paşazadəni “Heydər Əliyev” ordeni ilə təltif etdi 26 Avqust 2019, 10:12 ADU-da Azərbaycan və Çində UNESKO-nun irsi müzakirə edilib 26 Avqust 2019, 10:07 55 illik ömrün ANLARI - FOTOLAR 26 Avqust 2019, 10:04 “Azərbaycan Abxaziyada keçirilən “prezident seçkiləri”ni tanımır” 26 Avqust 2019, 10:01 Dövlət rəhbərlərini təəccübləndirən 70 yaşlı Şeyxülislam - FOTOLAR 26 Avqust 2019, 10:00 Ermənilər atəşkəsi 20 dəfə pozdu 26 Avqust 2019, 09:56 Azərbaycan filmi ABŞ-da 24 karatlıq qızıl priz qazandı 26 Avqust 2019, 08:23 Manat və dolların bugünkü məzənnəsi 26 Avqust 2019, 08:11 Gürcüstan idmançısı rekordunu təzələdi 26 Avqust 2019, 00:16 Birinci vitse-prezident Mehriban Əliyevanın doğum günüdür 26 Avqust 2019, 00:11 Zəlzələ Ankaranı silkələdi 25 Avqust 2019, 23:58 "Transfer axtarışındayıq" - Qurban Qurbanov  25 Avqust 2019, 23:39 Azərbaycanlı zəvvarların sonuncu qrupu vətənə döndü 25 Avqust 2019, 23:17 "Qarabağ"dan daha bir qələbə 25 Avqust 2019, 22:59