Avropa Gənclər Yay Olimpiya Festivalı (EYOF) çərçivəsində güləş yarışlarında növbəti püşkatma mərasimi keçirilib.
Modern.az APA-ya istinadən xəbər verir ki, sabah xalça üzərinə çıxacaq 7 çəki dərəcəsində püşk atılıb.
Azərbaycan yığmasının üzvlərinin də rəqibləri bəlli olub. Yunan-Roma və sərbəst güləşin hərəsində 2, qadın güləşində 3 idmançımızın ilk rəqibi bilinib.
Sərbəst güləş
48 kq, 1/8 final Mircavad Nəbiyev - Maqomedamin Bekbulatov (Rusiya)
60 kq, 1/8 final Sabir Cəfərov - Marsel Deli (Macarıstan)
Yunan-Roma güləşi
48 kq, 1/8 final Qurban Qurbanov - Kaçper Karaskieviç (Polşa)
60 kq, 1/8 final Həsrət Cəfərov - Donatas Rindeikis (Litva)
Qadın güləşi
46 kq, 1/8 final Gültəkin Şirinova - Jutta Ala-Ranta (Finlandiya)
49 kq, 1/4 final Lalə Mirzəyeva - Mihaela Samoil (Moldova)
61 kq, 1/8 final Mərziyə Sadıqova - Manola Skobelska (Ukrayna)
Qeyd edək ki, ilk yarış günündə güləşçilərimiz 2 qızıl, 1 gümüş və 1 bürünc medal qazanıblar.
