Birləşmiş Millət Təşkilatının Suriya böhranı üçün Humanitar yardım koordinatorunun Köməkçisi Mark Kott İdlibdə mülki şəxsləri hədəf alan hücumların dərhal dayandırılmasını tələb edib.
Modern.az-ın xarici KİV-ə istinadən məlumatına görə, İdlibdə onlarla mülki şəxsin öldüyünü bildirən M.Kott bunun son dövrdəki ən qanlı hücum olduğunu vurğulayıb. O, hadisələrə görə Bəşər Əsəd hakimiyyətini ittiham edib.
M.Kott açıqlamasında bildirib:
"Hücum qurbanlarının əksəriyyəti qadınlar və uşaqlardır. Ölənlər arasında xilasetmə və səhiyyə işçiləri də var. Cəsədlər parçalanıb”.
