Modern.az

Müəllimlərin imtahanında 29 səhv sual aşkarlanıb – RƏSMİ

Müəllimlərin imtahanında 29 səhv sual aşkarlanıb – RƏSMİ

25 İyul 2019, 12:29

“Müəllimlərin işə qəbulu imtahanın suallarının yoxlanılması zamanı ekspertlər ümumilikdə Azərbaycan bölməsində 20, rus bölməsində 9 sualda texniki qüsur müəyyən ediblər”.

 

Modern.az xəbər verir ki, bunu Təhsil Nazirliyinin İnsan resursları şöbəsinin müdir müavini Murad Camalzadə mətbuat konfransında deyib.

Onun sözlərinə görə, bu suallar ümumi sualların 0, 54 faizini təşkil edib.

 

"Texniki qüsur dedikdə, imtahan sessiyası zamanı həmin sualın məzmununda səhvin olması (15 sual), bir suala iki düzgün cavabın uyğun gəlməsi (5 sual), eyni sualın eyni imtahan sessiyasında təkrar verilməsi (1 sual) və digər (8 sual) hallar nəzərdə tutulur.

 

“İmtahan zamanı hər hansı namizəd tərəfindən bu suallara verilmiş cavab səhv və ya cavablandırılmamış kimi qeydə alınıbsa, həmin cavablar namizədin xeyrinə düz cavab kimi qeydə alınacaq. Və namizədin balının hesablanmasında nəzərə alınacaq. Bununla yanaşı, texniki qüsuru olan sualların məzmunu açıqlanacaq və onlarda olan qüsur izah olunacaq".

 

M.Camalzadə bildirib ki, yekun nəticələr sabahdan hər bir namizədin şəxsi səhifəsinə göndəriləcək.

 

"İyulun 27-dən başlayaraq namizədlər şəxsi səhifəsi üzərindən imtahan təşkilatçısına apellyasiya qaydasında müraciət edə bilər. Həmin müraciətlər iyulun 29-da qədər qeydiyyata alınacaq. Müraciətlərin nəticələri avqustun 6-a qədər şəxsi səhifəyə göndəriləcək".

M.Camalzadə qeyd edib ki, müsabiqənin vakansiya seçimi mərhələsi avqustun 7-dən açıq elan ediləcək.

 

"Bu il müsabiqəyə ilkin olaraq təxminən 7000 vakant iş yerinin çıxarılması gözlənilir".

 

Telegram
Hadisələri anında izləyin!
Keçid et
Ukraynadan Rusiyaya ardıcıl zərbələr: Vəziyyət kritikdir