“Azəriqaz” İstehsalat Birliyinin baş direktoru Əkbər Hacıyevin əmrləri ilə qurumda bir sıra kadr dəyişikliyi aparılıb.

Bu barədə Modern.az-a məlumat verən “Azəriqaz” İB-nin İctimaiyyətlə əlaqələr şöbəsinin rəisi Ceyhun Səfərov bildirib ki, Birliyin Xaçmaz Regional qaz istismarı İdarəsinin rəisi Xaliq İslam oğlu Namazov vəzifəsindən azad edilərək, Şəmkir Regional qaz istismarı İdarəsinin rəisi təyin olunub:

“Hüseyn Gülməmməd oğlu Şirinov Lənkəran Regional qaz istismarı İdarəsinin rəisi vəzifəsindən azad edilərək, Tərtər Regional qaz istismarı İdarəsinin rəisi vəzifəsinə təyinat alıb. Azər Fəxrəddin oğlu Musayev isə Tərtər Regional qaz istismarı İdarəsinin rəisi vəzifəsindən azad edilərək, Lənkəran Regional qaz istismarı İdarəsinin rəisi təyin olunub”.