Tanzaniyanın Morogoro adlı bölgəsindəki partlayış nəticəsində 57 nəfər həyatını itirib.
Modern.az xarici KİV-ə istinadən xəbər verir ki, partlayış yanacaq dolu yük maşınında baş verib. Maşındakı benzinin kənara sızdığını görən şəxslər onun ətrafına toplaşaraq yerə axan nefti bidonlara doldurmağa çalışıb. Elə o əsnada maşın partlayıb.
Həmin bölgə üzrə polis Steven Kabwe-nin açıqlamasına görə 57 nəfər dünyasını dəyişib, xeyli sayda ağır yaralı var. Yaralılar təcili tibbi yardım maşınları vasitəsilə ərazidən uzaqlaşdırılaraq xəstəxnaya yerləşdirilib.
Əzizə ZEYNAL
