Arxiv
10 Avqust 2019, 16:52 | AKTUAL
Biz necə bir polis istəyirik?..

Əkbər QOŞALI


Dayım nəvəsi, ailənin tək oğlu Nihat bu günlərdə Azərbaycan Polis Akademiyasına qəbul oldu. Nə gizlədim, içi mən qarışıq, qohum-əqrabada bir xeylimiz, Nihata mülki universitetlərdən birini seçməyi təklif edirdik, o isə inad edirdi. Dedik, yüksək bal toplamısan, seçim imkanın genişdir; dedi, yüksək bal toplayanlar polis peşəsini seçsə, daha yaxşı olmazmı? Dedik, oxuyanda da, işləyəndə də, ayağın “botinka”da olacaq, rahatçılığın az olacaq; dedi, sizlərin rahatçılığınıza xidmət edəcəyik – pisdimi? Dedik, “a bala, elə ətli-qanlı deyilsən...” – sözümüzü tamamlamağa qoymadı: “Nəciblik nə zamandan ayıb olub?”... “Bə, birdən dözməsən, təhsilini yarımçıq saxlasan?!.” – Dedi: “Əgər dözümsüz olsam, məni akademiyadan vaxtında çıxarsalar, yaxşıdır, qoy, dözümlülər yola davam etsin”. Uzun sözün qısası, bəlkə biz çox dedik, amma o az eşitdi və düz etdi: budur, Polis Akademiyasının tələbəsi adını qazanıb! Nihatı, onun kimi düşünən, onun kimi prinsipial olan gənclərimizin hamısını təbrik edirəm! 2 il öncə buna bənzər bir söz-söhbət də bizim evdə yaşanmışdı: ortancıl oğlum, ixtisas seçimində ingilis dilli fakultə seçəndə, “ay oğul, sənə çətin olacaq”-filan deyərəkən, o bizə bircə kəlmə dedi: “İngilisdilli fakultədə oxuyanlar məndən artıqdırmı?”.. – Söhbət bununla da bitdi, daha nə biz bir söz əlavə etdik, nə də o seçimindən əl çəkdi. Şükür, artıq 3-cü kursa keçib, ötən 2 ili də yüksək nəticələrlə oxuyub, ingiliscəsini də, xeyli inkişaf etdirib.

Dediyim odur ki, gənclərimiz prinsipial olunca, sabitqədəm seçim edərkən, onların yanında olmalıyıq, bir dediklərini iki eləməməliyik, əslində. Bizim dövrümüz bizimlə keçir – müdriklər demiş, gənclər öz zəmanələrini necə şəkilləndirmək istəyirlərsə, qoy, elə də olsun! Yollarına işıq!

Bu yazıda polisimizdən yazmaq istəyirəm, bir az. Polisdə problemlər olmayıbmı? – Olub. Yenə problemlər varmı? – Olsun ki var. Gələcəkdə də problemlər ola bilərmi? – İstisna deyil. Toplumumuzun özü kimidir polisimiz də. Elə təsəvvür etsək ki, qalan sahələrdə çatışmazlıqlar ola-ola, yalnız bir sahədə hər şey gül-gülüstana dönsün – bu, sadəlöhvlük olardı. Toplumun problemlərinə kompleks baxış olmalıdır – hamımız tərəfindən. Məsələn, dayımgil yüksək bal yığmış, evin tək oğlu olan, nəcibbədənli Nihatın Polis Akademiyası seçiminə yaşıl işıq yandırmaqla, polisimizin sabahına öz töhfələrini vermiş oldular. Onlar giley-güzar edib, po­lisdəki hansısa əyər-əskikləri qabarmatqdansa, hansısa polis zabitinin, sıravi polis işçisinin ziyasızlığını, yeni çağırışlara cavab verə bilməməsini dedi-qodu etmədən, öz ciyər­paralarını irəli verdi! – Verdi ki, polisimiz Nihat(lar)la bir boy daha intel­lektuallaşsın, bir oğul qədər daha vətənpərvər olsun; bir gənc boyda daha ədalətli olsun; bir Vətən övladı ilə daha ayıq-sayıq olsun!..

Bax, məncə belə – fərdidən ümumiyə, təkdən cəmə dialektik yanaşması ilə bütün toplu­mumuzu çiçəkləndirə bilərik. Yalnız bir sahə ilə bağlı deyil, ümumən deyirəm: “Mən yanmasam, sən yanmasan, o yanmasa... Necə çıxar qaranlıqlar aydınlığa?” (Nazim Hikmət)...

Bilirsiz, bizim Nihatın qətiyyətlə Polis Akaemiyasını seçməsi, bizdən daha çox maraq dairəsi olan bir gənc olaraq, onun, onun timsalında digər gənclərimizin, asayişin təmin edilməsinə cavabdeh mərkəzi icra hakimiyyəti orqanının rəhbərliyinə, önəmli, həlledici qərarlar verən generalitetə güvənin ifadəsi olaraq qəbul edilə bilər, deyə düşünürəm. Hər hansı bir sahədə daha sağlam ovqat yaranması, o sahədəki əsas orqan sıralarının sözün bütün anlamlarında sağlam gənclərimizlə təmin edilməsi sayəsində irəli gedə bilər, təbii. Bəli, bu yanaşma, yalnız polis üçün deyil, bütün əməli çalışma sahələri, o sahələrin mənsubları üçün də keçərlidir.

Azərbaycan polisi Azərbaycanın bir parçasıdır – yaxşısı ilə, pisi ilə, uğuru ilə, problemi ilə, onun, sənin, mənim... asayişin təmininə verdiyimiz töhfələrlə... Polisin necəliyi, onun işinin çətinliyi hansısa radikal müxalifət funksionerinin, hansısa “ortada yeyib, qıraqda gəzən”in qərəzli rəyi – Azərbaycan polisi haqqında həqiqəti əks etdirməyən, subyektiv mülahizələrə söykənən məlumat və şərhi ilə ölçülmür. Azərbaycan polisi dedikdə mənim gözlərim önündə ilk növbədə, şəhid polislərimiz gəlir! Gözlərim önünə qışın soyuğunda, yayın istisində növbədə olan polisi gəlir! Yanan binanın hələ ram edilməmiş alovları içindən körpə xilas edən, yolda qalmış maşındakı hamilə qadını doğum evinə çatdıran, buzlu yola duz səpən, itmiş əşyaları içindəki qızıla, pula toxunmadan yiyəsini bulub, ona çatdıran polisə Azərbaycan polisi deyirəm mən..!

Unutmamalıyıq:

-Polis öz xidməti borcunu yerinə yetirir, ictimai asayişi, vətəndaşımızın təhlükə­sizliyini qo­ruyur; o, insanların qanunauyğun davranışını təmin etmək üçün mövcuddur;

-Vətəndaşımızın təhlükəsizliyinin qorunması, üzləşdiyi təhlükədən güvənli müdafiəsi polisin çiyinlərində, güclü biləklərində, təhlükələrə sipər sinəsində... onun yuxusuz gözlərindədir;

-Azərbaycan polisi alovlardan keçmiş polisdir; müstəqilliyin ilk illərində, Müdafiə Nazirliyi yeni-yeni formalaşanda, respublika sərhədlərinin təhlükəsizliyinə də əsasən onlar cavabdeh idi, terrorçulara, separatçılara, xarici düşmənə ( –ərazi bütövlüyümüzü pozmaq üçün havadarlarının hərbi-siyasi dəstəyi ilə minbir hoqqa çıxanlara)... polis qarşı dururdu. Digər uyğunprofilli sahə nazirliklərinin də bir sıra hüquq-mühafizə kateqoriyalı funksiyaları (məs., yanğınsöndürmə, mülki müdafiə və s.) zaman-zaman polis orqan­la­rının üzərinə düşüb. – Daxili İşlər Nazirliyi ənənələri olan qocaman orqandır. 

-Polis əməkdaşlarının işi, gərgin əməyi toplum üçündür, xalq üçündür, dövlət üçündür, Vətən üçündür!

- Polisi necə görmək istəyirsənsə, ona məhz o yöndən dəstək ol, ümumi işə töhfə ver – heç olmasa, yazınla, heç olmasa xoşgörünlə, heç olmasa, sağlam düşüncənlə...

 

p.s. Nihat adının anlamı ilə ilgilənəndə, görürük ki, “təbiət”, “yaradılış” deməkdir; əlbəttə, bizlər toplum, xalq, dövlət olaraq, nəyi necə yaradacağıqsa, necə görəcəyiksə, o orqan, o in­frastrktur da, elə olacaq. Dünənimizə ehtiram, bugünümüzə məsuliyyət, sabahımıza salam və eşqlər! Bugün yalnız dünənin sonu deyil, sabahın başlanğıcıdır! Əslində, insan hər gün qurur, hər gün yaradır. İnsanlıqdan nəsibini almayanlarsa, hər gün yıxıb, hər gün talamağı düşünür. Ona görə, qoy, bu yazı da, alqışla bitsin, xeyirə ca­lansın: Xeyirə inam duyğu-düşüncəsi ilə, gələ­cə­yimiz xeyir olsun! Azərbaycan polisinin Şuşada, Xankəndində asayişi təmin edəcəyi müqəddəs günlər uzaqda deyil inşallah!

Bayrağın uca olsun, varlığım Azərbaycan!

BU KATEQORİYADAN OLAN DİGƏR XƏBƏRLƏR
+ Arxiv
Həbibin atası ikinci dəfə evlənir 19 Noyabr 2019, 00:56 Avtobus yandı: azərbaycanlılar təxliyyə edildi 19 Noyabr 2019, 00:39 Aksiyanın dağıdılması zamanı 6 nəfər yaralandı: 37 nəfər saxlanıldı 19 Noyabr 2019, 00:23 Türkiyə Suriyada əməliyyatlara başlayır 19 Noyabr 2019, 00:07 Sabah bu qatarların hərəkəti dayandırılacaq 18 Noyabr 2019, 23:47 "Şərəf üçün oynayacağıq" - Nikola Yurçeviç 18 Noyabr 2019, 23:01 Əlibəyli ilə müqavilə ləğv edildi  - RƏSMİ 18 Noyabr 2019, 22:40 Heydər Əliyev Mərkəzində sərgi - Fotolar 18 Noyabr 2019, 22:22 Bakıda 29 yaşlı gənc bıçaqlandı 18 Noyabr 2019, 22:06 Qarabağın Azərbaycanlı icmasının sədri Türkiyəyə gedib - FOTO 18 Noyabr 2019, 21:46 Aksiya dağıdıldı: Parlament fəaliyyətini bərpa edib 18 Noyabr 2019, 21:37 Almaniyadan İrandakı aksiyalarla bağlı çağırış 18 Noyabr 2019, 21:18 ABŞ-da silahlı insident 18 Noyabr 2019, 21:04 Aksiyanın dağıdılması zamanı biri polis olmaqla 3 nəfər yaralanıb 18 Noyabr 2019, 20:49 "Azərbaycanla oyunda mütləq qələbə qazanmalıyıq" - Rəqib baş məşqçi 18 Noyabr 2019, 20:37 Sumqayıtda bəzi küçə və prospektlər bağlanacaq 18 Noyabr 2019, 20:17 Bakıda avtomobilini qəza yerində qoyub qaçana cinayət işi açıldı - RƏSMİ 18 Noyabr 2019, 20:03 Xamneyinin nümayəndəsinə sui-qəsd cəhdi olub 18 Noyabr 2019, 19:59 Xalq artistinin yaradıcılıq gecəsi keçirilib - FOTO 18 Noyabr 2019, 19:35 Güzəştli şərtlərlə səyyar gübrə satışı daha 10 rayonda keçiriləcək - SİYAHI 18 Noyabr 2019, 19:20 Sumqayıtda helikopterdən dəvətnamə atdılar - Video 18 Noyabr 2019, 19:09 Ali Hərbi Məktəbində təhsil alan xarici kursantların sayı hər il artır - Video 18 Noyabr 2019, 19:00 Jurnalist itkin düşüb   18 Noyabr 2019, 18:50 Qubada maşın aşdı - 3 yaşlı uşaq ÖLDÜ 18 Noyabr 2019, 18:41 Bazar günü Lənkərana gəlmək üçün səbəb var - FOTO 18 Noyabr 2019, 18:32 Yasamalda sakinlər dinlənildi, dəstək üçün göstərişlər verildi   18 Noyabr 2019, 18:14 UNEC rektoru yeni Tələbə-rektorla görüşüb - FOTO   18 Noyabr 2019, 18:05 Alimlərdən inqilabi yenilik: İnsan dərisi hazırlanır 18 Noyabr 2019, 17:58 Naqif Həmzəyev: Separatçı rejimin puç olan Brüssel ümidləri 18 Noyabr 2019, 17:50 Gürcüstan polisi etirazçılara müdaxilə etdi 18 Noyabr 2019, 17:45 Sarkisyan aprel döyüşləri ilə bağlı ifadə verəcək 18 Noyabr 2019, 17:32 “İmkanı olan da, olmayan da vergiləri ödəmir” - səlahiyyəti olub, pulu olmayan bələdiyyələr 18 Noyabr 2019, 17:30 Vüqar Kərəmovdan möhtəşəm qələbə - Video 18 Noyabr 2019, 17:28 Mirzə Cəlilin heykəli Bakının harasında qoyulacaq? 18 Noyabr 2019, 17:26 Manatın sabaha olan MƏZƏNNƏSİ 18 Noyabr 2019, 17:21