Azərbaycanla İndoneziya arasındakı münasibətlər strateji tərəfdaşlıq xarakteri daşıyır.
Modern.az “Report”a istinadən xəbər verir ki, bu barədə İndoneziyanın Müstəqillik Günü münasibətilə Bakıda keçirilən tədbirdə nitqi zamanı Kənd Təsərrüfatı naziri İnam Kərimov bildirib.
Nazir ikitərəfli münasibətlərin getdikcə gücləndiyini, daha da inkişaf etdirilməsi üçün geniş potensialın mövcud olduğunu dilə gətirib: “Son vaxtlar iki ölkə arasında hüquq-mühafizə sahəsində 10-dan artıq sənəd imzalanıb, daha 20-dən artıq sənəd də yaxın vaxtlarda imzalanacaq. Aqrar sahədə əlaqələrin gücləndirilməsi də əhəmiyyətlidir”.
