Zığ şosesində, “Zığ” marketin yaxınlığında diametri 530 millimetr olan yüksək təzyiqli yeraltı qaz kəmərində qaz sızması aşkarlanıb.
“Azəriqaz” İstehsalat Birliyindən Modern.az-a verilən məlumata görə, bu sızmanın ləğvi məqsədilə saat 23:00-dan Suraxanı rayonunun Zığ kəndi və Xətai rayonunun Naximov, İnqilab İsmayılov, Mehmandarov və digər bir neçə küçəsində qaz təchizatı dayandırılacaq.
Məlumata görə, qazın verilişinin bərpası sentyabrın 10-da 11:00 radələrinə planlaşdırılır.
