Arxiv
13 Sentyabr 2019, 10:36 | ƏDƏBİYYAT
Səfir Vilayət Quliyev: “İlahi, kaş bizim də neftimiz olaydı!”

Azərbaycanın Macarıstandakı səfiri Vilayət Quliyev məşhur polyak jurnalisti, "magik jurnalistikanın banisi" kimi tanınan Rişard Kapuşinskinin sonuncu İran şahı Məhəmməd Reza Pəhləvinin həyatından bəhs edən "Şahənşah" kitabından tərcüməsinin bir hissəsini oxucularla bölüşüb.

Modern.az səfirin 2009-cu ildə tərcümə etdiyi kitabdan aşağıdakı parçanı təqdim edir:

 

- Neft qeyri-adi emosiya və ehtiraslar doğurur. Çünki neft hər şeydən öncə misli-bərabəri olmayan şirnikləndirici vasitədir. Neft – asan və ağlagəlməz pullar, zənginlik və güc, xoşbəxtlik və qüdrət vədidir. Neft pis qoxulu, çirkli məhlul kimi yerin təkindən göyə fontan vurur, göydən yerə isə xışıldayan pul yağışı şəklində tökülür. Neft yatağı tapan, neft mədəninə sahib olan hər kəs özünü uzun zaman yeraltı mağaralarda gəzib-dolaşandan sonra qəfildən zəngin xəzinə üstünə çıxmış adam kimi hiss edir. Artıq o, sadəcə zəngin deyil. Onda öz fövqəladəliyi, seçkinliyi ilə bağlı illüziya yaranıb. Hansısa ilahi qüvvənin başqalarını saya salmadan xeyirxah baxışlarını yalnız ona yönəltdiyini, yalnız onu sevimli bəndəsi seçdiyini düşünür. Neft quyusunun fontan vurmasını əks etdirən çoxlu foto-şəkillər var. Bu şəkillərdə adamların sevincdən atılıb-düşdüklərini, biri-birini qucaqladıqlarını, hətta ağladıqlarını görmək mümkündür. Dəzgahda hansısa detalı hazırlayıb qurtaran fəhlənin sevindiyindən atılıb-düşdüyünü, yaxud kotan arxasınca addımlayan yorğun kəndlinin fərəhindən qol götürüb oynadığını təsəvvür etmək çətindir. Məsələnin mahiyyəti neftin tam fərqli, yəni xüsusi zəhmət çəkmədən böyük zənginliyə qovuşmaq illüziyası yaratmasındadır. Neft – şüuru zəhərləyən, gözü dumanlandıran, insana pozucu təsir göstərən maddədir. Yoxsul ölkələrin sakinləri gəzib-dolanır və düşünürlər: İlahi, kaş bizim də neftimiz olaydı! Neft xülyası zəhmət, qan, tər bahasına deyil, taleyin qəribə gərdişi, xoşbəxt təsadüf, bəxtin gətirməsi nəticəsində bir an içərisində zənginləşməklə bağlı əbədi insan arzusunun təzahürüdür. Bu mənada neft – nağıldır. Hər bir nağıl isə məlum olduğu kimi, yalana əsaslanır. Neft sahibinə elə iddialılıq gətirir ki, o, artıq zaman kimi sabit, hüdudsuz anlayışı da asanlıqla məhv edəcəyinə inanmağa başlayır. İranın sonuncu şahı da neftə güvənərək bir insan nəslinin həyatı boyunca İkinci Amerika yaradacağı ilə qürrələnirdi. Yarada bilmədi! Neft gücdür. Amma onun zəif tərəfləri də var. Neft ağıl və müdriklik qıtlığı nəticəsində yaranan boşluğu doldura bilmir. Neftin dünyanın güclüləri üçün ən şirnikləndirici cəhətlərindən biri onun hakimiyyəti möhkəmləndirməsi ilə bağlıdır. Təbii ki, neft böyük qazanc gətirir. Onun emalı ilə az sayda adam məşğul olur. Sosial mənada neft əlavə problemlər yaratmır. Çünki nə proletariatın, nə də burjuaziyanın sayca çoxalmasına təkan verir. Bu mənada hökumət neft gəlirlərini kimsə ilə bölüşməyə borclu deyil. Niyyət və arzularından çıxış edərək onu istədiyi şəkildə xərcləyə bilər. Bir anlığa neft istehsalçısı olan ölkələrin nazirlərinə baxın. Onlar başlarını necə məğrurcasına dik tuturlar, özlərində necə böyük bir güc və əzəmət hiss edirlər. Bəli, onlar energetika bosslarıdır. Bizim sabah işə maşınla, yoxsa piyada getməyimizi onlar müəyyən edirlər. Hələ neft və məscid? Bu zənginlik qaynağı onların dininə - islama nə qədər canlılıq, işıq və əzəmət gətirmişdir! Neftin sayəsində islam yeni möminlər kütləsi qazanaraq getdikcə daha hücumçu mövqe tutmaqdadır.

 

BU KATEQORİYADAN OLAN DİGƏR XƏBƏRLƏR
+ Arxiv
Dondar Quşçuda bədbəxt hadisə 23 Yanvar 2020, 00:46 Sabirabadda məskunlaşan köçkünlərdən Vüqar Bayramova dəstək - FOTOLAR 23 Yanvar 2020, 00:33 Gəncədə poliklinikada yanğın 23 Yanvar 2020, 00:14 Türkiyədə güclü zəlzələ: insanlar küçələrdə 22 Yanvar 2020, 23:56 İlham Əliyev İsveçrə Prezidenti ilə müzakirə apardı - FOTO 22 Yanvar 2020, 23:22 Gəncədə kriminal avtoritet saxlanıldı - VİDEO 22 Yanvar 2020, 23:09 Qənirə Paşayeva Qovlarda seçicilərlə görüşdü - FOTOLAR 22 Yanvar 2020, 22:49 Bu ölkədə bir ildə 34 min insan öldürüldü 22 Yanvar 2020, 22:33 Jalə Əliyeva Zərdab seçiciləri ilə görüşdü - FOTOLAR 22 Yanvar 2020, 22:16 “Hazırda ən vacib olan məsələ regional sabitlikdir” - İlham Əliyev 22 Yanvar 2020, 21:59 Bakıya ilk qar yağacaq 22 Yanvar 2020, 21:46 Şəkidə iki gənc qız dəm qazından zəhərləndi 22 Yanvar 2020, 21:32  “Bizə ən azından ildə 100 min iş yeri lazımdır” - İlham Əliyev 22 Yanvar 2020, 21:19 "Qarabağ"dan  növbəti qələbə 22 Yanvar 2020, 21:01 İlham Əliyev Davosda Gürcüstanın Baş Naziri ilə görüşdü 22 Yanvar 2020, 20:51 8 saylı Binəqədi I seçki dairəsi seçicilərinin elektron kabineti işə düşdü - FOTOLAR 22 Yanvar 2020, 20:36 Kürdəmirlilər Əhliman Əmiraslanovu dəstəklədi - FOTO 22 Yanvar 2020, 20:18 Azərbaycan sularında gəmilərin hərəkəti üçün heç bir təhlükə yoxdur 22 Yanvar 2020, 20:06 Goranboyda 2 avtomobil toqquşdu - FOTO 22 Yanvar 2020, 19:53 İlham Əliyev BP-nin baş icraçı direktoru ilə görüşdü 22 Yanvar 2020, 19:35 İqbal Məmmədov şəhid anasını ziyarət edib - FOTO 22 Yanvar 2020, 19:30 Naftalanın icra başçısı səyyar qəbul keçirib 22 Yanvar 2020, 19:21 Əbülfəs Qarayev Bruklin-Bakı Dostluq Assosiasiyasının rəhbəri ilə görüşüb 22 Yanvar 2020, 19:15 DİN işçi axtarır - boyu 180 santimetrdən hündür, idman cüssəli... 22 Yanvar 2020, 19:09 Bakıda 8 prokurorluq əməkdaşı CƏZALANDIRILDI 22 Yanvar 2020, 18:49 Ceyhun Məmmədov məcburi köçkünlərin evində olub - FOTO 22 Yanvar 2020, 18:40 Sumqayıt İcra Hakimiyyətindən “Bu şəhərdə”yə: “Onlar haradan bilə bilərlər ki, məktuba baxılmayıb?” 22 Yanvar 2020, 18:33 Musa Qasımlı şəhid ailələrinin evində olub - FOTO 22 Yanvar 2020, 18:25 İqbal Məmmədovun görüşündə gənclər fəallıqla iştirak ediblər - FOTO 22 Yanvar 2020, 18:18 Hava kəskin dəyişəcək - Nazirlik əhaliyə ÇAĞIRIŞ ETDİ 22 Yanvar 2020, 18:10 Fəzail Ağamalının parlamentdəki çıxışlarından fraqmentlər - VİDEO 22 Yanvar 2020, 18:03 Deputatlığa namizədlərin sayı 1479 oldu 22 Yanvar 2020, 18:00 Musa Quliyev vətəndaş cəmiyyətinin nümayədələri ilə görüşüb - FOTO   22 Yanvar 2020, 17:54 Cavanşir Paşazadə şəhid ailəsinin evində - FOTOLAR 22 Yanvar 2020, 17:48 Rauf Əliyev seçicilərlə görüşdü - FOTO 22 Yanvar 2020, 17:42
SORĞU Yeni parlamentdə kimlər olsun?