Arxiv
19 Sentyabr 2019, 08:15 | REPORTAJ
Yaşadan, yaradıb-qurmağa sövq edən ÜMİD! - Ağdamdan REPORTAJ

Hər dəfə hazırda Ağdamın mərkəzi hesab olunan kəndə - Quzanlıya ayaq basanda ilk növbədə ürəyimdən dərin bir sızıltı keçir. Həm təbiəti, həm təbii sərvətləri, həm iqtisadiyyatı, həm inkişafı ilə 6-7 aran rayonuna meydan oxuyan möhtəşəm Ağdamım, ecazkar torpağım! Dünyanın heç bir yerində tayı- bərabəri olmayan Şellinin narını, Qiyaslının gilasını, Mərzilinin tutunu, Gülablının balını, Qasımlının əzgilini, İsmayılbəylinin armudunu, Novruzlunun üzümünü, Bağbanların heyvasını, Qərvəndin almasını hər yerdə gözümüz axtardı. Şəhərimiz kimi, onlar da qeybə çəkilib, tapa bilmədik. Aldılar əlimizdən o gözəl şəhərimizi, bənzərsiz 87 kəndimizi, qoydular bizi cəmi –cümlətanı 10 kəndin ümidinə... Sındırdılar ağdamlıların tikib-quran, xarüqələr yaradan əl-qolunu...

Bəli, ilk növbədə belə düşünürəm... Amma bu neqativ düşüncələrdən qurtarmaq üçün işğal olunmayan, hazırda erməni qəsbikarları ilə göz-gözə dayanan kəndlərimizdəki inkişaf gözümüz qarşısında canlanır. Son 10 ildə tanınmaz dərəcədə dəyişən, yenidən qurulan, abadlıq işləri bu gün də davam edən obalarımızdan anlayıram ki, deyəsən ağdamlıların əl-qolu tikib-qurmaqdan, yaratmaqdan elə də çox soyumayıb. Bu gün də Ağdam rayonunda tikinti-quruculuq işləri sürətlə davam etdirilir. Son 2-3 ayda yeniliklərin sayı daha çox artıb.

Quzanlıda müasir standartlara uyğun mərkəzi rayon xəstəxanası, uşaq xəstəxanası, doğum evi, məktəblər, rayon təhsil şöbəsinin, qaz və yol istismar idarələrinin inzibati binaları, avtovağzal və idman kompleksləri, uşaq bağçaları və digər vacib obyektlər çoxdandır ki, ağdamlıların istifadəsindədir.

Həmsöhbət olduğumuz köçkünlər bildirdilər ki, qəsəbədə indi də qonaq evi inşa edilir.


Ağdamın inkişafını sizə də göstərmək ücün yolumuz təmas xəttindəki kəndlərə - daha dəqiq Seyid Lazım ağanın Cəmənli kəndində yerləşən ziyarətgahınadı.

Yolüstü Xındırıstan kəndində də ayaq saxlayırıq. Xındırıstanda 1907-ci ildə kənd sakini Hacı Cabbar tərəfindən inşa edilən məscid binası və məişət evi əsaslı təmir olunur.  Maraqlı odur ki, məscidin xarici görünüşü işğal altındakı Ağdam şəhərində olan məscidin layihəsi əsasında bərpa edilir. Layihəyə uyğun olaraq, məsciddə qoşa minarə, həyətdə yas və ehsan mərasimləri üçün iki zal da inşa olunur. Məscidin ərazisində abadlıq işləri də aparılacaq. Təmir-bərpa və tikinti işlərinin bu il yekunlaşdırılması nəzərdə tutulub.
Hələ üstəlik kənddə istirahət parkı da salınır. Xındıstanın ən böyük ərazi nümayəndəliyi olan Birinci Yüzbaşılı kənd tam orta məktəbi üçün 132 şagird yerlik yeni binanın inşası yekunlaşmaq üzrədir. İkimərtəbəli bina sinif otaqları, hərbi hazırlıq, informatika və hesablama texnologiyası kabinələri, kimya və fizika laboratoriyaları, idman və akt zalları, kitabxana, oxu zalı, bufet, yeməkxana və digər otaqlardan ibarətdir. Artıq binada dəmir-beton, hörgü və suvaq işləri başa çatıb, məktəbin damı və döşəməsi vurulub, qapı və pəncərələr qoyulub. Həyətdə qazanxana, nasosxana inşa edilib. İndi binanın fasad hissələrinə üzlük vurulur, həyətə tamet daşa döşənir. Tikinti işləri Prezident İlham Əliyevin "Ağdam rayonunun Birinci Yüzbaşılı kəndində yeni ümumtəhsil məktəbi binasının tikintisi haqqında" 2018-ci il 5 noyabr tarixli sərəncamına əsasən aparılır. Bu da gələcək nəsilə, eyni zamanda təhsilə qayğının bir göstəricisidir.

Yollar! Kolqışlaq-Mirəşəlli-Əhmədağalı-Çıraqlı avtomobil yolunun tikintisi başa çatdırılıb, istifadəyə verilib, necə deyərlər, yollar şüşə kimidir. Yolların kənarı ilə meyvə ağacları və bəzək kolları əkilib. Mətbuata verilən məlumata görə, təkcə bu il rayon ərazisində üç mindən çox ağac əkilib.
Bənövşələr qəsəbəsi ərazisində böyük idman meydancası nəzərimizi cəlb edir. Burda tez-tez idman oyunları, yarışlar keçirildiyini sürücümüz Bəhruz Aslanov vurğulayır. O deyir ki, bu yaxınlarda əhalinin maraqla izlədiyi böyük bir idman yarışı keçirildi: “Aprel döyüşlərində düşmənin təxribat cəhdlərinin qarşısını alarkən qəhrəmancasına həlak olan Azərbaycan ordusunun zabiti, polkovnik-leytenant Raquf Orucovun xatirəsinə həsr olunmuş futbol turniri camaatımıza əsl bayram əhval-ruhiyyəsi bəxş elədi. 20 gün davam edən yarışda rayonun 16 cəbhəyanı kəndindən, məcburi köçkün qəsəbələrdən və bir hərbi hissədən ümummilikdə 8 komanda iştirak etdi. Yarış o qədər maraqlı oldu ki, hətta ətraf rayonların əhalisi də turniri izləməyə gəlmişdilər. Tədbir iştirakcıları turnirin təşkilatcısı Elgün Rəhimovdan xahiş etdilər ki,növbəti dəfə milli qəhrəmanlarımızın xatirəsinə həsr olunmuş tədbirlərə start versinlər ”.

Marağımı saxlaya bilmədim:

- Birinci yerə kimlər çıxdı?

- 1-ci yeri Bənövşələr qəsəbəsinin, 2-ci yerə Üçoğlan kəndinin, 3-cü yeri isə şəhid R.Orucovun bir vaxtlar komandiri olduğu “N” saylı hərbi hissənin komandası tutdu. Cox maraqlı yarış idi, 20 gün diqqətlə izlədim.

Təmas xəttində yerləşən kəndlərdə evlərin də, məişət obyektlərinin də siması əməlli-başlı dəyişib, yenilənib. Burda erməni silahlı birləşmələrinin iriçaplı silahlardan və artilleriya qurğularından atdığı mərmilər xeyli evə ziyan vurub. Zərər dəymiş 121 evin bərpası da Prezidentin sərəncamına əsasən, davam etdirilir. İcra Hakimiyyətinin tikinti briqadası haqqında bir təşəkkürü də oxucularımızın diqqətinə çatdırmaq istərdik.1993-cü ildə Quzanlıda tikilib, köçkünlərin istifadəsinə verilmiş 1-ci Daş evlər qəsəbəsində evləri təmir edilən bir qrup

köçkün: Məleykə Aslanova, Xurşud Rüstəmova, Lalə Hacıyeva, Zabil Məmmədov, Nəbi Əhmədov, Bəxtiyar Məmmədov və başqaları bizim vasitəmizlə həm İcra hakimiyyətinin başcısı Vaqif Həsənova, həm iş icracısı Azər Mirzəyevə, həm də işini kefiyyətlə görən briqada üzvlərinə təşəkkür etməyimizi istədilər.


Yeri gəlmişkən, camaatın bəyəndiyi və alqışladığı xeyirxah bir əməldən də söhbət açmaq istəyrik. Deməli, rayonun Quzanlı və Bənövşələr qəsəbələrində subartezian quyuları qazılıb və Azərbaycanın Milli qəhrəmanları Allahverdi Bağırov, Asif Məhərrəmov, Muxtar Qasımov, Canpolad Rzayev, Nadir Əliyev, 2016-cı ilin Aprel döyüşləri zamanı şəhid olmuş polkovnik-leytenant Raqub Orucov adına bulaq tikilib. Bu səbəbdən də bulağın açılış mərasimində rayon ictimaiyyəti, Qarabağ müharibəsi veteranları, şəhid ailələri, qəsəbə sakinləri sevinclə iştirak edib. Bu işin təşəbbüsçüsü isə “Yeni Yurd” Sosial İnkişaf İctimai Birliyidir. Tədbirdə iştirak edən birliyin sədri Mahirə Əsədova, Ağdam Rayon İcra Hakimiyyətinin başçısı Vaqif Həsənov, “Xocalı Soyqırımını Tanıtma” İctimai Birliyinin sədri Şamil Sabiroğlu, Milli Qəhrəman Asif Məhərrəmov adına İnkişaf Fondunun sədri Ədalət Məhərrəmov və başqaları sakinləri subartezian quyularının və bulaqların istifadəyə verilməsi münasibətilə təbrik etdilər.

Mahirə xanım vurğuladı ki, bundan əvvəl də Ağdam rayonunun işğal altında olmayan ərazilərində İctimai Birlik tərəfindən iki ədəd subartezian quyusu və iki bulaq istifadəyə verilib.

Gəldik çatdıq!Bu da Seyid Lazım ağanın ziyarətgahı! Ziyarətgahın həyətindən işğalda olan ərazilər, xüsusən, dağlar aydınca görünür. Üzümü qiblə tərəfə deyil, üzü dağlara sarı tuturam. Axı mənim qibləm də, qibləgahım da o dağlardı, işğalda qalan o yurdlardı. Əllərimi göylərə qaldırıb, Qüdrətli Yaradandan ağlaya-ağlaya, israrla bir gün yurdlarımıza dönməyi istəyirəm.

Gəldiyim yollarla geri dönürəm və eyni zamanda aydınlaşdırmağa çalışıram!Ağdamlılar köçkün olsalar da belə, niyə bu qədər yorulmadan-usanmadan tikib-qururlar? Bilirsiniz niyə? Ümid! Ümid yaşadır onları! Səmimi qəlbdən inanırlar ki, bir gün öz doğma ocaqlarına dönəcəklər, düşmənə inad yenidən daha möhtəşəm Ağdamı yaradıb quracaqlar!

Əntiqə Rəşid

Ağdam-Quzanlı- Bakı

 

BU KATEQORİYADAN OLAN DİGƏR XƏBƏRLƏR
+ Arxiv
Lənkəranda meşədə itkin düşən 6 yaşlı uşaq tapıldı 24 Oktyabr 2019, 00:44 Bakıda 60 yaşlı kişi kafedə döyülüb 24 Oktyabr 2019, 00:18 Qazaxda ağır qəza: ata və qızı yaralandı 24 Oktyabr 2019, 00:02 Mətbuat konfransına silahlı basqın edildi - VİDEO 23 Oktyabr 2019, 23:46 Yeni XİN rəhbəri təyin olundu 23 Oktyabr 2019, 23:30 NATO-dan çağırış: Ukraynaya hərbi yardımı artırın 23 Oktyabr 2019, 23:14 Azərbaycan-CAR münasibətləri müzakirə edilib 23 Oktyabr 2019, 22:59 Prezident Qarabağ qazisinə ev verdi 23 Oktyabr 2019, 22:47 Gürcü nazir azərbaycanlı gənclərlə görüşüb 23 Oktyabr 2019, 22:31 Rusiya bu ölkələrə 4 milyard dollarlıq silah satıb 23 Oktyabr 2019, 22:14 BMT Baş Assambleyasının prezidenti Bakıda 23 Oktyabr 2019, 21:59 “Son matça qədər mübarizə gedəcək” - Qurban Qurbanov 23 Oktyabr 2019, 21:46 Konstitusiya Məhkəməsi Ali Məhkəmənin qərarını ləğv etdi 23 Oktyabr 2019, 21:32 “Bir qalanın sirri” surdo-tərcümə vasitəsilə nümayiş olunub - FOTO 23 Oktyabr 2019, 21:26 Tovuzdakı ağır QƏZAda ölənlərin sayı artdı - YENİLƏNİB 23 Oktyabr 2019, 21:14 Elmar Məmmədyarov İraqla əməkdaşlığı müzakirə etdi 23 Oktyabr 2019, 20:59 “Avropa İttifaqının tələsik bəyanatı həqiqəti əks etdirmir” - PA rəsmisi 23 Oktyabr 2019, 20:45 Trampdan Türkiyəyə dəstək: sanksiyalar ləğv edildi 23 Oktyabr 2019, 20:29 Ölkə başçısı Ramiz Mehdiyevi qəbul etdi: “Yaşınız 80-ni keçib.., biz gərək gəncləri irəli çəkək” - YENİLƏNİB 23 Oktyabr 2019, 20:20 “Qarabağ”ın  rəqibi Bakıda qələbəyə iddialıdır 23 Oktyabr 2019, 20:01 Bakı-Şamaxı yolunda "Mersedes" aşdı: xəsarət alanlar var 23 Oktyabr 2019, 19:59 İsmayıllıdakı qəzada xəsarət alan gənclərdən biri vəfat edib 23 Oktyabr 2019, 19:54 "Azərbaycan BƏƏ vətəndaşları üçün mühüm turizm məkanlarından birinə çevrilib" 23 Oktyabr 2019, 19:42 İlham Əliyev İranın Xarici İşlər nazirini qəbul edib 23 Oktyabr 2019, 19:36 Azərbaycan XİN: “Fələstin xalqının yanındayıq” 23 Oktyabr 2019, 19:29 Elmar Məmmədyarov BƏƏ-nin Dövlət nazirinə medal verdi 23 Oktyabr 2019, 19:18 Sumqayıtdakı iy-qoxunun səbəbi bilindi 23 Oktyabr 2019, 19:06 Fuad Muradov Beynəlxalq Miqrasiya Təşkilatının nümayəndələri ilə görüşdü 23 Oktyabr 2019, 18:49 Mirqafar Seyidov əməliyyat müşavirəsi keçirdi 23 Oktyabr 2019, 18:32 Məmmədyarov Əfqanıstanın milli təhlükəsizlik müşaviri ilə görüşdü 23 Oktyabr 2019, 18:28 Məktəblərdə “Kiberməkanda təhlükəsiz davranış mədəniyyəti” mövzusu müzakirə olunur 23 Oktyabr 2019, 18:17 İsveçdə yaşayan soydaşımız səhiyyə komitəsinə üzvü seçilib 23 Oktyabr 2019, 17:55 Azərbaycanda bu nazirliklərin ləğv olunması təklif edildi 23 Oktyabr 2019, 17:51 “Nar” “Canlı kitab” sosial layihəsinə başlayıb 23 Oktyabr 2019, 17:43 İlham Əliyev Mikayıl Cabbarova tapşırıqlar verdi: Bu, çox məsuliyyətli vəzifədir” - YENİLƏNİB 23 Oktyabr 2019, 17:42