“Ayın 15-də 7-ci Zirvə toplantısı baş tutacaq. Toplantının mövzusu kiçik və orta sahibkarlıqdır. Burada ən önəmli tərəf Özbəkistanın Türk Şurasına üzv ölkə kimi qəbul olunmasıdır".
Modern.az xəbər verir ki, bunu Naxçıvan Müqaviləsinin 10-cu ili ilə bağlı Türk Şurasının keçirilən konfransda Türk Şurasının baş katibinin müavini İsmət Gözəlov jurnalistlərə açıqlamasında bildirib.
"Zirvə görüşündən öncə oktyabrın 14-ü Xarici İşlər Nazirlərinin görüşü gözlənilir. Oktyabrın 14-də eyni zamanda Zirvə görüşü çərçivəsində toplantının mövzusuna uyğun olaraq üzv dövlətlərdən biznes çevrələrinin nümayəndələrinin iştirakı ilə Biznes Forumunun keçirilməsi nəzərdə tutulur".