Modern.az

Yeni binaların qaz problemi çözülür? - “Azəriqaz” 233 binaya qazın verilişini təmin edib

Yeni binaların qaz problemi çözülür? - “Azəriqaz” 233 binaya qazın verilişini təmin edib

Aktual

11 Oktyabr 2019, 15:01

Prezident İlham Əliyevin “Bəzi çoxmənzilli binaların istismarına icazə verilməsinin sadələşdirilməsi haqqında” 19 fevral 2019-cu il tarixli 529 nömrəli Fərmanının icrası ilə əlaqədar Bakı şəhərində bir çox binanın istismara qəbulu prosesi sürətləndirilib.

 

Bu barədə Modern.az-a “Azəriqaz” İstehsalat Birliyinin ictimaiyyətlə əlaqələr şöbəsinin rəisi Ceyhun Səfərov məlumat verib.

 

Onun sözlərinə görə, fərmandan irəli gələn məsələlərin operativ həlli məqsədilə “Azəriqaz” İstehsalat Birliyi tədbirlərini davam etdirir:

 

“Belə ki, 2019-cu ildə oktyabrın 1-nə olan məlumata görə 233 yaşayış binası üzrə 14600 mənzil, təkcə sentyabr ayında isə 45 yaşayış binası üzrə 1326 mənzil qazla təmin olunub.

Onu da qeyd edək ki, bu ilin may ayından etibarən Prezident Administrasiyasının tövsüyyələri əsasında “Azəriqaz” İB istintaq zamanı sahibləri həbs edilmiş və ya sahibləri olmayan 6 Mənzil Tikinti Kooperativinə (MTK) məxsus bir neçə yaşayış binasının qazlaşdırılması ilə bağlı yarımçıq qalmış işlərin davam etdirilməsinə də başlayıb. Həmin binaların sakinlərinin uzun vaxtdır ki, yığılıb qalan bu probleminin həlli üçün SOCAR rəhbərliyinin tapşırığı ilə artıq ümumilikdə 894 mənzildən 653-də qazlaşma işi aparılıb, sayğaclar quraşdırılıb. 3 binada iş tamamlanıb, birində qaz verilişi təmin olunub”.

 

C.Səfərov bildirib ki, ümumilikdə Birliyin əməkdaşları təbii qazla təmin olunmayan və ya natamam təmin olunan yaşayış binalarının tikinti şirkətləri ilə mütəmadi görüşlər keçirir. Yaranmış problemlərin aradan qaldırılması üçün lazımı köməkliyin göstərilməsi istiqamətində müvafiq təkliflər verilir.

 

Youtube
Kanalımıza abunə olmağı unutmayın!
Keçid et
Ukraynadan hər kəsi şok edən xəbər: Azərbaycanlı jurnalist vəfat etdi