Azərbaycan Mərkəzi Bankının (AMB) İdarə Heyəti uçot dərəcəsinin 8%-dən 7,75%-ə endirilməsi haqqında qərar qəbul edib.
Modern.az-ın məlumatına görə, bunu Azərbaycan Mərkəzi Bankının (AMB) İdarə heyətinin sədri Elman Rüstəmov faiz dəhlizinin parametrlərinin elan edilməsilə bağlı mətbuat konfransında bildirib.
E.Rüstəmov qeyd edib ki, bu qərarı şərtləndirən əsas səbəb faktiki inflyasiyasını gözlənilən trayektoriya ilə dəyişib:
"İdarə Heyətinin son iclasından keçən dövr ərzində qiymətlərin ümumi səviyyəsi illik artım tempində əhəmiyyətli dəyişməyib. Rəsmi statistikaya əsasən, sentyabrda illik inflayasiya 2,5 faiz olub ki bu da hədəf diapozunun mərkəzindən aşağıdır".
