Arxiv
27 Oktyabr 2019, 13:20 | TƏHSİL
Ekspertdən təklif: “İnformatika fənni qəbul imtahanlarına əlavə olunmalıdır”

Heç kimə sirr deyil ki, yaşadığımız cəmiyyət informasiya əsri kimi tanınır. Məhz informasiya texnologiyalarının sürətli inkişafı dövründə dünya yeniliklərlə üz-üzə qalır.

 

İnformasiya texnologiyaları həyatımızın bir parçasına çevrildiyindən özümüzü ondan kənarda tutmağımız da qeyri-mümkündür.

 

Toxunacağımız məsələ isə dünyanın informasiya texnologiyalarına tərəf getdiyi bir vaxtda orta məktəblərimizdə informatika fənninə qarşı hökm sürən laqeydliklə bağlıdır.  İnformatika lazımsız fənn kimi dərs cədvəlinin axırıncı saatlarına salınır ki, bu da şagirdlərin bu fənnə maraq göstərməməsinə şərait yaradır. Halbuki, dünya təcrübəsinə nəzər yetirsək həm valideynlər, həm də müəllimlər informatika fənninin keçirilməsində maraqlıdırlar.

 

Bizim məktəblərdə isə bu məsələyə fərqli yanaşılır. Şagird tarixi, ədəbiyyatı dərindən mənimsəyə bilər, ancaq informatikaya yaxın gedə bilməz. Halbuki bugünkü cəmiyyətin İT mütəxəssislərinə ehtiyacı var. Çünki bu sahədə əldə edilən nailiyyətlər dünyanın dərindən öyrənilməsinə, uzaq məsafələrin yaxınlaşdırılmasına, dünya insanlarının bir araya gələ bilməsinə hesablanıb.

 

Məsələn, kiçik fərqə baxaq: Texnologiyanın inkişafı nəticəsində bütün dünya kiçik telefonlarımızın içinə toplaşıb. Bir informasiyanı əldə etmək üçün saatlarla gözləməyə ehtiyac yoxdur.

 

Belə olan halda, niyə məktəblərimiz informatika fənninə əhəmiyyət vermir?!

 

Üstəlik, informatika otaqları niyə  “köhnəlmir”?!

 

“Texnologiyanın təhsilə müsbət tərəfləri çoxdur”

 

Təhsil eksperti Kamran Əsədov Modern.az-a açıqlamasında bildirib ki,  bu gün kiçik yaşda olan uşaqlar texnologiya mhitində böyüyür:

“Texnoloji inkişaf dünya təhsil sistemində ciddi dəyişikliklərə gətirib çıxarır. Artıq taxta lövhələri elektron lövhələr, kitabları pdf-lər, qələmləri isə klaviatura əvəzləmək üzrədir. Son illərdə Azərbaycanın təhsil sistemində də texnologiyadan geniş istifadə olunur. Texnologiyanın təhsilə müsbət tərəfləri kifayət qədər çoxdur. Çünki, bu gün kiçik yaşda olan uşaqlar texnologiya mühitində böyüyür. Texnologiya onların sürətli inkişafına təsir göstərir. Onlar ətraf aləmi daha yaxşı tanıyırlar. Texnologiya mühitində böyümüş uşaqlar məktəbə qədəm qoyandan sonra, əlbəttə, onlarla işləmək rahat olmur. Ona görə də məktəblərdə texnologiyaya yanaşmanın dəyişməsi lazımdır”.

 

“Məktəblər tam şəkildə kompyuterlə təmin olunmayıb”

 

Ekspertin sözlərinə görə, texnologiyanın mənfi cəhətləri də var:

 

“Məsələn, hansısa bir informasiyanı əldə etmək istəyən şəxs informasiya mədəniyyətinə yiyələnmədiyinə görə, həmin informasiyanı axtarmaq əvəzinə internet axtarış sistemlərində rastına çıxan başqa bir mövzuların arxasına düşə bilər. Bu minvalla orada 7 və ya 10 saat vaxt itirir. Birdə baxır ki, ona lazım olan yox, başqa informasiyanın ardınca gedib. Əslində biz çalışmalıyıq ki, texnolgiyalardan istifadə mədəniyyəti təbliğatına üstünlük verək. Son zamanlar qəbul prosesinə baxdıqda abituriyentlərin ixtisas seçimində kompüter və IT peşələrinə üstünlük verdiklərini də görürük. Müasir dövrün tələblərinə cavab verən ixtisaslara güclü tələb var. Bu proses qəbuldan başlamalıdır. Çünki Azərbaycanda proseslərin avtomatlaşdırılması, İKT, IT, kompüter mühəndisliyi, informasiya təhlükəsizliyi kimi sahələrə kifayət qədər maraq var. Məlumdur ki, bir fənnin orta məktəblərdə zəif tədris olunması, həmin dərsliyin qəbul imtahanlarına salınmamasından irəli gəlir. Dövlət tərəfindən qayğı göstərilsə də təəssüf ki, məktəblər tam şəkildə kompüterlə təmin edilməyib. Yəni adambaşına düşən kompüter sayı yetərli deyil. Nəzərə almaq lazımdır ki, orta ümumtəhsil məktəblərində 1,6 milyon şagird təhsil alır. Məktəblərə verilən kompüterlərin bəziləri yaxşı deyil və köhnə olur. Dərsliklər tədris üçün normal vəziyyətə salınmalıdır. İnformatika fənni digər tarix və digərləri kimi tədris edilməlidir”.

 

Kamran Əsədov qeyd edib ki, qəbul imtahanlarına informatika fənni əlavə olunmalıdır:

 

“Bu gün dünyada informasiya müharibəsi aparılır. Azərbaycan həqiqətlərinin dünyaya çatdırılmasında da informatika sahəsinin rolu boyükdür. Mən düşünürdüm ki, I ixtisas qrupunda informatika fənninin qəbul planına salınması olduqca vacibdir. Diqqət etsəniz görəcəksiniz ki, I ixtisas qrupunda ən yüksək bal toplayan abituriyentlərin seçdiyi ixtisaslar birbaşa informatika ilə bağlıdır. Hesab edirəm ki, I ixtisas qrupu üzrə Kompüter mühəndisliyi, Kompüter elmləri, İnformasiya texnologiyaları, İnformasiya təhlükəsizliyi, Proseslərin avtomatlaşdırılması, Sistem mühəndisliyi, İnformatika müəllimliyi kimi bir çox ixtisaslar var və bu ixtisaslara qəbul olanların bilik və bacarıqlarını daha da artırmaq üçün, yüksək səviyyəli mütəxəssislər hazırlanması üçün qəbul imtahanlarında informatika fənni əlavə olunmalıdır”.

BU KATEQORİYADAN OLAN DİGƏR XƏBƏRLƏR
+ Arxiv
Xidməti vəsiqə və ya iş yeri barədə arayış əsasında evdən çıxacaq şəxslərin - SİYAHISI 2 Aprel 2020, 21:35 Azərbaycanda evdən çıxmaq üçün bu nömrəyə SMS göndərmək lazımdır 2 Aprel 2020, 21:24 “Öz ayağı ilə gələn xəstə az sonra süni nəfəs aparatına qoşulur” -  Almaniyadakı Azərbaycanlı həkimdən HƏYƏCAN TƏBİLİ 2 Aprel 2020, 21:13 Türkiyədə koronavirusdan ölənlərin sayı 356-ya çatdı 2 Aprel 2020, 21:03 Süleyman dayının USTAD DƏRSİ 2 Aprel 2020, 21:01 Müsavat Partiyasında ağır itki 2 Aprel 2020, 20:51 Nazirlər Kabineti yanında Operativ Qərargahın iclası keçirilib 2 Aprel 2020, 20:51 Bu sahələr fasiləsiz işləyəcək - Baş Nazir TƏSDİQLƏDİ 2 Aprel 2020, 20:37 Azərbaycanda yaşayış yerini İCAZƏSİZ tərk etmək olmayacaq - Tarix AÇIQLANDI 2 Aprel 2020, 20:35 Beynəlxalq Türk Akademiyası qədim türk abidələrinin axtarışında 2 Aprel 2020, 20:27 Xüsusi karantin dövründə işə cəlb edilən qurumlarının SİYAHISI AÇIQLANDI 2 Aprel 2020, 20:11 Baş Nazirdən qərar - Dövlət qurumları məhdud sayda işçi cəlb edəcək, onlara əlavə istirahət veriləcək 2 Aprel 2020, 19:58 İran parlamentinin sәdri koronavirusa yoluxub 2 Aprel 2020, 19:54 18 yaşlı tələbənin ölüm səbəbi AÇIQLANDI 2 Aprel 2020, 19:47 Norveç neftin ucuzlaşmasına görə rekord məbləğ İTİRDİ 2 Aprel 2020, 19:41 Ermənistanda koronavirusdan ölənlərin sayı 5-ə çatdı 2 Aprel 2020, 19:25 Şagirdlər üçün “Azərbaycan dili” imtahanı onlayn keçirilə bilər 2 Aprel 2020, 19:11 Azərbaycan yeniyetmə ürəyindən bıçaqlandı 2 Aprel 2020, 19:06 Məleykə Abbaszadə builki qəbul imtahanları ilə bağlı müraciət YAYDI 2 Aprel 2020, 19:00 Bakıda 39 yaşlı kişi qonşusunu bıçaqladı 2 Aprel 2020, 18:52 Fransanın ən iri bazarı meyitxanaya çevriləcək 2 Aprel 2020, 18:48 Rusiyada aprelin 30-na qədər iş olmayacaq 2 Aprel 2020, 18:33 Manat və dolların sabahkı MƏZƏNNƏSİ 2 Aprel 2020, 18:19 Keçmiş icra başçısı UNEC-in prorektoru təyin edildi -FOTO 2 Aprel 2020, 18:17 Mehriban Əliyeva: “Allah bütün şəhidlərimizə rəhmət eləsin!” 2 Aprel 2020, 18:11 Ronaldu Messini qabaqladı, tarixin ən yaxşı futbolçusu seçildi 2 Aprel 2020, 18:05 Bakıda 31 yaşlı kişi etil spirtindən öldü 2 Aprel 2020, 18:00 Goranboyda koronavirusa qarşı monitorinqlər davam etdir - FOTO 2 Aprel 2020, 17:55 Karantin dövründə kişilərdə qadınlaşma baş verəcək? - Psixoloqla MÜSAHİBƏ 2 Aprel 2020, 17:50 Azərbaycanda tələbə qəfildən vəfat etdi 2 Aprel 2020, 17:44 Sərhəddəki erməni təxribatına Rusiyadan REAKSİYA 2 Aprel 2020, 17:38 Məcburi köçkünlər üçün yeni binalar tikiləcək 2 Aprel 2020, 17:32 Daha bir ölkədə koronavirus qurbanlarının sayı 10 mini KEÇDİ 2 Aprel 2020, 17:26 Zəlzələdən sonra Şamaxıda 175, Ağsuda 223, İsmayıllıda 106 evin tikintisi başa çatdırılıb 2 Aprel 2020, 17:20 Lerik rayonunda YAP könüllüləri tərəfindən nümunəvi addım... - FOTO   2 Aprel 2020, 17:15