Arxiv
8 Noyabr 2019, 15:44 | MEDİA
“Regionun “Əl-Cəzirə”sinə böyük ehtiyac var” - 30 yaşlı qəzetin baş redaktoru

 “Yeni Müsavat” qəzetinin 30 yaşı tamam olur.

Qəzet 10 noyabr 1989-cu ildə Müsavat Partiyasının mətbuat orqanı kimi yaradılıb.

Qəzetin təsisçisi və baş redaktoru Rauf Arifoğlu Modern.az-a müsahibəsində “Yeni Müsavat”ın 30 illik tarixinin əslində Müstəqil Azərbaycanın tarixi olduğunu vurğulayıb:

“Çünki biz özümüzü Azərbaycandan kənarda təsəvvür etmirik, həmişə Azərbaycanın səsi olmağa çalışmışıq. Azərbaycan xalqının haqq davasının, mübarizəsinin, Azadlıq hərəkatının səsi olmağa çalışmışıq. İlk zamanlar qəzetlərin əsas funksiyası klassik qəzet fəaliyyəti deyildi. Kommunizmə, Sovet hakimiyyətinə, əsarətə qarşı Azərbaycanın Milli Azadlıq mübarizəsinin bir parçası idi. Bu savaşda media orqanı döyüş vərəqələri paylayırdı.

Azərbaycan müstəqilliyini qazandıqda biz tədricən qəzet olma yolunda addımladıq. Ciddi, rəsmi qəzet formatına keçdik. Daha sonra dövriliyimizi artırdıq. Qısa müddət sonra isə həftədə 7 dəfə çıxan yeganə qəzet olaraq, keçmiş SSRİ məkanında tarixə yazıldıq. Zaman keçdikcə, müəyyən düşərgələrlə məsafələrimizi bərabər qoymağa çalışdıq və bu da uğurla həyata kedi. Bizim üçün çox çətin olsa da, müstəqilləşmə yolunda uğurlu addım atdıq. Bundan sonra neomedia orqanları yaratmağa başladıq. “Yeni Müsavat” qəzetinin üzərində analoqu olmayan proses həyata keçirib, yeni media ilə sintezini yarada bildik. Xəbər istehsalçısı “Yeni Müsavat” qəzeti - çap mediası idi, xəbərin yayımını həyata keçirən isə yeni media orqanı olan “Musavat.com” saytı idi. Belə bir uğurlu variant tapdıq. Saytlarımızın sayını çoxaltdıq. Rus dilində yayım üçün “Minval.az” brendi, “Minval.info” saytı, “Müsavat TV” yaradıldı. Daha sonra isə onlayn televiziya modelinə keçdik. Bütün bunları bir media qrupunda cəmləmişik. Dünyanın yeni trendlərini “Yeni Müsavat” Media Qrupuna gətirə bilmişik. Müasir media texnologiyalarından istifadə edirik, o cümlədən sosial media səhifələrimiz var. Bu resurslar da artıq şəbəkə deyil, media sayılır. Üst-üstə götürəndə 300 min abunəyə yaxın əhatəmiz var. Bu həm Azərbaycan tarixində, həm də “Yeni Müsavat”ın tarixində yeni media uğurudur”.

R.Arifoğlu hesab edir ki, 30 il müddətində ən böyük uğurlardan biri elə qəzetin bu qədər uzun müddət fəaliyyət göstərə bilməyidir:

“Az qala bir insan ömrünə bərabər yaşanmışlığımız var. İndiyə kimi 7405 nömrəmiz olub. Bu, 7405 gün dayanmadan qəzet çıxarmaq, işləməkdir. Bu göstəricilərlə, rəqəmlərlə qürur duyuruq. Hesab edirəm ki, Azərbaycan mediası ilə bağlı olan, həyatında heç olmasa bir dəfə olsun, qəzet oxumuş hər kəs bu göstəricilərlər qürur duymalıdır. Bu hansısa bir düşərgənin, partiyanın, liderin göstəriciləri deyil, bütün Azərbaycanındır. Nə xoş Azərbaycan vətəndaşlarına ki, onların istiqlalından 2 yaş böyük bir qəzetləri var”.

Baş redaktor “Yeni müsavat”çılar haqqında da fikirlərini bölüşüb:

“Qəzetimizin keçmiş əməkdaşları yeni iş yerlərində də uğurlu nəticələr göstərirlər. Hələ eşitməmişəm ki, hansısa media orqanı rəhbəri “Yeni müsavat”çıdan narazı qalsın. Onlar bizim əməkdaşlarımızın zəhmətkeşliyindən, ardıcıllığından, istedadından və məhsuldarlığından razıdırlar. Çünki kollektivimizin əməkdaşları dayanmadan çalışmağa öyrəniblər. Az öncə sadaladığım nəhəng işləri cəmi 50 nəfərlə həyata keçiririk. 6-7 media vahidi olsa da, bütün bu prosesi minimallaşmış, optimallaşmış heyətlə reallaşdırırıq. “Yeni Müsavat”a gəlib, 1-2 il çalışmış əməkdaşımız sonradan gedib sayt rəhbəri də ola bilir, hər hansı media strukturunun ən yaxşı çalışanı da. Biz isə bununla qürur duyuruq”.

30 yaşlı qəzetin rəhbəri son olaraq, gələcək planlarından, qarşıya qoyduqları məqsədlərdən danışıb:

“Əsas işimiz yaşamağa davam etməkdir. Zamana və onun təlatümlərinə tab gətirmək - əsas strategiyamız budur. Hesab edirəm ki, biz buna müvəffəq olmuşuq, bundan sonra da müvəffəq olmaqda davam edəcəyik. İmkan daxilində genişlənmək, görüntülü xəbərlər istehsalının faizini artırmaq, internet televiziyanın işini daha əhatəli təmin etmək, rus dilində yayım imkanlarını artırmaq haqda düşünürük. Hələlik xaricə açılım, rus dili ilə yekunlaşır. Çünki düşünürəm ki,  ingilisdilli media quruluşunu yaratmaq üçün böyük maddi-texniki bazaya malik olmaq lazımdır. Bunu, hesab edirəm ki, dövlət yaratmalıdır. Təxminən “CNN”, “Əl-Cəzirə” tipində qurumun yaradılması daha əhəmiyyətlidir. Regionun “Əl-Cəzirə”si ola biləcək qurumu bizim yaratmağımız doğru olmaz. Lakin belə bir media orqanının Azərbaycanda olmasına böyük ehtiyac var”.

BU KATEQORİYADAN OLAN DİGƏR XƏBƏRLƏR
+ Arxiv
Qida zəhərlənməsi qan qusmağa səbəb olmur - Tələbələrlə bağlı MÜƏMMA 23 Noyabr 2019, 04:26 İranda 100-dək etirazçı lider həbs edilib - Onlar edam oluna bilər 23 Noyabr 2019, 04:05 Baş redaktor erməni əsilli olması ittihamına cavab verdi: “Anaların milliyəti olmur” - QALMAQAL 23 Noyabr 2019, 03:35 Rusiya televiziyası azərbaycanlı Şeyxdən veriliş hazırladı 23 Noyabr 2019, 03:06 İŞİD-ə üzv olan azərbaycanlıların yeni siyahısı TAPILDI 23 Noyabr 2019, 02:54 Mehriban Əliyeva Valentina Matviyenko ilə şam yeməyində - FOTOLAR 23 Noyabr 2019, 02:24 Türkiyədə bir ilk - Qadın futbol klubunun prezidenti seçildi 23 Noyabr 2019, 02:22 "Qalatasaray” öz meydanında “Başakşəhər”ə uduzdu 23 Noyabr 2019, 02:17 Şəkər sabah dəfn olunacaq: Atasının Rusiyadan gəlməsini gözləyirlər 23 Noyabr 2019, 00:46 Türkiyədə 3,7 bal gücündə zəlzələ oldu 23 Noyabr 2019, 00:27 Argentina 17 "siyasi" səfirini geri çağırır 23 Noyabr 2019, 00:14 Polşada erməni təxribatının qarşısı alındı 22 Noyabr 2019, 23:58 Azərbaycan neftinin qiyməti dəyişdi 22 Noyabr 2019, 23:40 "Sumqayıt"ın prezidenti mükafat verəcək 22 Noyabr 2019, 23:23 ABŞ-dan İrana növbəti sanksiya 22 Noyabr 2019, 23:04 Prezidentdən 12 min illik göllə bağlı təlimat 22 Noyabr 2019, 22:49 "Böyük komandayıqsa, belə məğlubiyyətləri tez yaddan çıxarmalıyıq" - Qurban Qurbanov 22 Noyabr 2019, 22:34 Leyla Əliyeva Moskvada müzakirələr apardı - FOTO 22 Noyabr 2019, 22:14 Tofiq Yaqubludan ağır ittiham: Mühacir alveri qalmaqalı böyüyür 22 Noyabr 2019, 21:57 Rusiya telekanalları Mehriban Əliyevanın səfəri barədə reportajlar yayımlayıb 22 Noyabr 2019, 21:34 "Qarabağ" "Sumqayıt"la bacarmadı 22 Noyabr 2019, 21:20 Vladimir Putin Mehriban Əliyevaya “Dostluq” ordeni təqdim edib - FOTOLAR 22 Noyabr 2019, 21:06 Bərdəli gənc qızdırmadan ölüb 22 Noyabr 2019, 20:47 ABŞ-la Gürcüstan  hərbi əməkdaşlıq edəcək 22 Noyabr 2019, 20:33 Samuxdakı avtoqəzada iki qardaş xəsarət alıb 22 Noyabr 2019, 20:16 “Xəzər dialoqu 2019” forumunun tarixi bilindi 22 Noyabr 2019, 20:03 Azərbaycan AYİB-in donor ölkələr icmasına qoşulub  22 Noyabr 2019, 19:50 Təhsil naziri Ceyhun Bayramov valideynlərlə görüşüb - FOTO 22 Noyabr 2019, 19:35 Arıqlama həbləri bu xəstəliklərə səbəb olur 22 Noyabr 2019, 19:24 Azərbaycanın Almaniyadakı səfirliyi Köln şəhərində səyyar qəbul təşkil edəcək 22 Noyabr 2019, 19:10 "Azərbaycan Dəmir Yolları"ndan qəzayla bağlı AÇIQLAMA 22 Noyabr 2019, 19:00 Mərdəkan Müalicə Pansionatı istifadəyə verildi 22 Noyabr 2019, 18:42 İstirahət günlərinin hava PROQNOZU  22 Noyabr 2019, 18:30 Polislər üçün yaddaş kitabçası hazırlandı 22 Noyabr 2019, 18:26 Əbülfəs Qarayev müşavirə keçirdi 22 Noyabr 2019, 18:21