Bakıda bir ailənin 3 üzvü dəm qazından zəhərlənib.
Səhiyyə Nazirliyindən Modern.az-a verilən məlumata görə, hadisə paytaxtın Nəsimi rayonu, Cavadxan küçəsi, mənzil 30-da baş verib.
Rəsmi məlumata görə, dəm qazından boğulma barədə çağırış Təcili Yardım Xidmətinə gecə saat 00:34-də daxil olub. Həmin ünvandan 29 yaşlı qadın, 5 yaşlı 2 uşaq (oğlan və qız) dəm qazından zəhərlənmə diaqnozu ilə Kliniki Tibbi Mərkəzin Toksikologiya şöbəsinə gətiriliblər. Lazımi tibbi yardım göstərildikdən sonra xəstələr ambulator müalicəyə buraxılıblar.