İraqda son sutka ərzində polislə toqquşma zamanı həlak olan etirazçıların sayı 45-ə yüksəlib.
Modern.az xarici KİV-ə istinadən xəbər verir ki, Bağdaddan 160 kilometr uzaqlıqda yerləşən Nəcəf şəhərində İran baş konsulluğu yandırılıb. Buna görə İraq xarici işlər naziri Məhəmməd əl-Hakim iranlı həmkarı Cavad Zərifdən üzr istəyib.
Oktyabrın əvvəllərindən başlayan etiraz aksiyalarında hökumətin istefası, həyat şəraitinin yaxşılaşdırılması, korrupsiya ilə mübarizə və işsizlik tələbləri var. Bu müddətdə ölkədə 300-dən çox etirazçı öldürülüb, 15 minə qədər insan isə xəsarət alıb.
