Arxiv
5 Dekabr 2019, 17:42 | AKTUAL
“Vətən məndən başlanır” - UNEC 

Azərbaycan İqtisad Universitetində (UNEC) “Zəfər” Şəhid Ailələrinə Dəstək İctimai Birliyinin təşkilatçılığı ilə “Vətən məndən başlanır” adlı sosial layihənin təqdimatı keçirilib.

 

Modern.az xəbər verir ki, tədbirdə ictimaiyyət nümayəndələri, Regional İqtisadi İctimai Birliyinin əməkdaşları, QHT rəhbərləri, millət vəkilləri, şəhid ailələri, eləcə də İnstitutun rəhbər və müəllim heyəti, tələbələr iştirak ediblər.

 

Tədbiri giriş sözü ilə açan universitetin səlahiyyətli nümayəndəsi Mənsur Bərxudarov  qonaqları salamlayaraq qeyd edib ki, ali təhsil müəssisəsində öz işləri ilə vətəndaşlıq borcunu yerinə yetirən insanların iştirakı ilə belə tədbirlərin təşkil olunması və  gənclərin aktivlik göstərməsi təqdirəlayiqdır. O, haşiyəyə çıxaraq “pasionarlıq” terminin mənasını da dinləyicilərin diqqətinə çatdırıb. Bildirib ki, bu söz dilimizə milli qeyrətin püskürməsi, cəmiyyətin, millətin düşüncəsinə təsiri kimi tərcümə olunur və həqiqətən pasionar olan vətəndaşlarımız var. O, həmçinin  universitetin 6 il bundan əvvəlki və bugünkü durumunu müqayisə edərək rektor Ədalət Muradovun gördüyü işlər sayəsində  universiteti UNEC adlı bir brendə çevirməsini də dinləyicilərin diqqətinə çatdırıb.

 

Daha sonra Zəfər Şəhid ailələrinə İB-nin sədri Sevinc Orucova tədbir iştirakçılarından Dövlət Himnini səsləndirməyi xahiş edib. Hər kəs ürəkdən “Səndən ötrü can verməyə cümlə hazırız” deyib.

 

Çıxış sözü ilə tədbiri davam etdirən S.Orucova layihənin məqsədlərindən danışıb. O şəhid ailələrini, qonaqları tələbələrə təqdim edib. Şəhid Mahir Mirzəyevin atası Sabir Mirzəyev, Şəhid mayor Rasim Məmmədovun həyat yoldaşı Samirə Məmmədova, Şəhid Samid İmanovun həyat yoldaşı İmanova Badam və Qarabağ qazisi Rey Kərimoğlu və başqa qonaqlar tələbələrə təqdim  olunub. Bildirib ki, üç müxtəlif universitetin tələbələri ilə görüşlər keçirilib və məqsəd Azərbaycan, Vətən naminə milli duyğuları, dəyərləri gənclərə  aşılamaqdır. Bir sözlə “vətənin yükünü daşımağı bacaran gənclik yetişdirmək” əsas amaldır.

 

“Başımızın tacı Şəhid ailələri, başımızın tacı qaziləri” sözləri ilə çıxışına başlayan Fazil Mustafa bildirib ki, əslində hamı Vətənini müxtəlif formalarda sevir. Məsələ Vətəni peşəkarcasına sevməkdir. Xalqın tarixində varislik məsələsinə toxunan millət vəkili qeyd edib ki, tarixdə kimsə itirə, kimsə qazana bilər. İtiriləni illər sonra geri qaytara bilmək üçün əhali olaraq bioloji varlığımızı keyfiyyətə çevirməli, varislik ipinin qırılmasına yol verilməməliyik.  O, hərbi xidmətdə gənclərimizin daha çox öyrənməli, hərbiyə  zaman müddətini doldurmaq üçün yox, o sahədə bilik əldə etməsi üçün fürsət kimi  baxmalı olduğunu qeyd edib. Tələbələrin də həmçinin, 4 ili başa çatmasını gözləmək əvəzinə, gecə-gündüz mütaliəsini artırmağı, vətəni haqqında bilgilənməyin lazımlı olduğunu vurğulayıb. “Bu qədər torpaq itirmiş bir xalqın vaxı itirməsindən böyük faciə yoxdur”-deyən F. Mustafa filmlərdə gördüyümüz “300 spartalı” obrazına çevrilmək, onlardan biri olmaq üçün öz üzrəmizdə işləməli olduğumuzu vurğulayıb.

 

Millət vəkili Qənirə Paşayeva layihənin tanıtım çarxını bir daha tədbir iştirakçılarının diqqətinə çatdırıb: "Basdığın yerləri torpaq deyərək keçmə tanı, düşün altındakı minlərlə kəfənsiz yatanı”. O bildirib ki, belə tədbirlər vasitəsilə şəhidlərimiz, tariximiz  gənclərə tanıtmalı, onları Vətən haqqında düşündürməyə sövq etməkdə vacibdir. O yəhudilərin inkişafını diqqətə çatdıraraq bildirib ki, hər gün Vətən üçün işlər görmək yəhudilərin hər biri üçün mənəvi borcdur. Bildirib ki, artıq XXI əsr suni intellektin meydanı olduğuna görə gənclər ikiqat çalışmalıdır, çünki onların rəqibləri nəinki, insanlar həm də robotlardır. O ölkənin inkişafını da məhz belə parlaq zəkalı aydınlardan asılı olduğunu qeyd edib. Yaponiyanın tarixinə nəzər salan Q. Paşayeva onların atom bombası kimi bir bəladan qurtulduğunu, yenidən dirçəlməklə irəli getməsinin əsas səbəbinin məhz onların ziyalı, gənclərindən asılı olduğunu qeyd edib.

 

Tədbirdə çıxış edən tarixçi alim Firdovsiyyə Əhmədova Vətən sevgisinin gənclərə aşılanmasının əhəmiyyətindən danışaraq, tarixi həqiqətlərin üzə çıxarılmasında, ərazi bütövlüyümüzün qorunub saxlanmasında, işğal olunmuş ərazilərimizin düşməndən azad edilməsində, eyni zamanda, ölkənin gələcək inkişafına nail olunmasında məhz bilikli, peşəkar və dünyagörüşlü gənclərə ehtiyac duyulduğunu bildirib. O gənclərə üzünü tutaraq “Vətənin siması” olmağa çağırıb. Cümhuriyyətin tarixini xatırladan tarixçi alim, daim Avropanın Asiyalıya yuxarıdan aşağı baxdığını, M.Ə.Rəsulzadənin “yaxşı ki yaponlar var, onlar da Asiyanın simalarıdır” fikirlərini, daha sonra məhz 1918-ci ildə Şərqdə ilk müstəqil, demokratik, müasir dövlət modelinin yaratmaqla bu xalqın nəyə qadir olduğunu dinləyicilərin diqqətinə çatdırıb.

 

Parlament Jurnalistlər Birliyinin sədri Elşad Eyvazlı vətənpərvərliyin düzgün təbliği istiqamətində bu səpkili sosial müzakirələrin xüsusi rolunu qeyd edərək, gənclərin Vətənə və xalqa xidmətdə mühüm öhdəliklərindən danışıb və şəhid ailələrinə hər zaman diqqət və dərin ehtiramın olduğunu bildirib. O qeyd edib ki, belə tədbirlərdə tələbələr məcburi deyil, məhz könüllü və yaxından iştirak etməli, sosial şəbəkələrin imkanlarından istifadə edərək vətənpərvərlik hissini aşılayanlardan biri olmalıdırlar.

 

Qarabağ qazisi Rey Kərimoğlu həyatın bütün mərhələrində elmlə vətənpərvərlik duyğularının lazımlı dəyərlər olduğunu qeyd edib. O, gənclərə vətənin tarixi ilə bağlı bilgiləri artırmağı tövsiyə olaraq bildirib.

 

Tədbir tələbələrin çıxışları və onların suallarının cavablandırılması ilə davam edib. Sonda  tələbənin ifasında “Qarabağdadır” muğamından bir parça səsləndirilib, Şəhidlərimizin son sözlərindən ibarət videoçarx izlənilib və  aktiv olan tələbələrə şəhidlərimizin həyatından bəhs edən kitablar təqdim olunub.

 

 

BU KATEQORİYADAN OLAN DİGƏR XƏBƏRLƏR
+ Arxiv
Bu ölkədə turizmin dirçəldilməsinə 11 milyard yardım ayrıldı 25 Fevral 2021, 01:10 UEFA azarkeşlərlə bağlı qərar verəcək 25 Fevral 2021, 01:00 İsrail karantini ləğv edəcəyi vaxtı açıqladı 25 Fevral 2021, 00:47 İspaniya klubu La Liqada 2900-cü oyununa çıxıb 25 Fevral 2021, 00:32 Paşinyanı ələ salan general İŞDƏN ÇIXARILDI 25 Fevral 2021, 00:17 Ukraynada peyvəndlənmə başladı 25 Fevral 2021, 00:14 Messi dubl etdi, “Barselona” qazandı 25 Fevral 2021, 00:00 Britaniya səfirindən Bakıya yağan qarla bağlı zarafat - FOTO 24 Fevral 2021, 23:51 Bakıda iki maşın toqquşdu - xəsarət alanlar var 24 Fevral 2021, 23:38 Fevral ayı üzrə bütün müavinət, təqaüd və kompensasiyalar ödənildi 24 Fevral 2021, 23:24 Avroliqada ilk 1/8 finalçı məlum oldu 24 Fevral 2021, 23:11 Goranboyda nənə və nəvə dəm qazından zəhərləndi 24 Fevral 2021, 23:00 Paytaxtda sərnişin avtobusu piyadanı vurdu 24 Fevral 2021, 22:53 Bakıda bütün gecə yollara duz səpiləcək - VİDEO 24 Fevral 2021, 22:42 Teledərslərin sabaha olan CƏDVƏLİ 24 Fevral 2021, 22:30 Londonda Xocalı aksiyası - FOTO 24 Fevral 2021, 22:18 ABŞ-da erməni terrorunu əks etdirən sərgi təşkil olundu - FOTO 24 Fevral 2021, 22:08 Nazirlikdən əhaliyə müraciət: Ehtiyac olmadıqda küçəyə çıxmayın 24 Fevral 2021, 21:59 Putin tanınmış aktyora Rusiya vətəndaşlığı verdi 24 Fevral 2021, 21:47 Gürcüstanın hökumət administrasiyasının rəhbəri istefa verdi 24 Fevral 2021, 21:33 Neft bahalaşdı 24 Fevral 2021, 21:19 Müəllimlərin işə qəbulu üzrə onlayn müsahibələrin nəticələri açıqlandı 24 Fevral 2021, 20:57 “Ermənistanın müharibə zamanı muzdlu və terrorçulardan istifadə etməsi faktdır” – VİDEO 24 Fevral 2021, 20:44 Bölgələrə qar yağır - FAKTİKİ HAVA 24 Fevral 2021, 20:34 Ankarada Xocalı soyqırımına həsr olunan tədbir keçirildi - FOTO 24 Fevral 2021, 20:28 Yevlaxda zəncirvari qəza - xəsarət alanlar var 24 Fevral 2021, 20:15 Deputatdan Ermənistanın ittihamına cavab: “Saxlanılan 62 nəfər hərbi əsir deyil, terrorçudur” - VİDEO 24 Fevral 2021, 20:10 Sabah məktəblərdə dərs olacaq? - Nazirlikdən AÇIQLAMA 24 Fevral 2021, 20:04 Bişkek ictimaiyyəti dünya birliyini Xocalı soyqırımına obyektiv qiymət verməyə çağırıb 24 Fevral 2021, 20:00 Ceyhun Bayramov Aİ-nin komissarı ilə telefonla danışdı 24 Fevral 2021, 19:55 Gürcüstanın yeni Baş naziri Azərbaycana dəvət olundu 24 Fevral 2021, 19:47 FHN vətəndaşları qaydalara əməl etməyə çağırdı - VİDEO 24 Fevral 2021, 19:40 İtaliyanın Liveri bələdiyyəsi Xocalı soyqırımını pisləyən sənəd qəbul etdi 24 Fevral 2021, 19:32 Azay Quliyev: “Biz ATƏT PA-nın dialoq təklifini dəstəkləyirik” - VİDEO 24 Fevral 2021, 19:24 Ceyhun Bayramov Ukrayna xarici işlər nazirinin müavini ilə görüşüb - FOTO 24 Fevral 2021, 19:16