Modern.az

Koronavirusdan necə qorunaq? – Baş infeksionistdən əhaliyə VACİB TÖVSİYƏLƏR

Koronavirusdan necə qorunaq? – Baş infeksionistdən əhaliyə VACİB TÖVSİYƏLƏR

29 Fevral 2020, 17:34

Bu gün koronavirus infeksiyası ilə bağlı informasiyalar demək olar ki, bütün ölkələrin gündəmini zəbt edib. Dəhşətli virus ölkəmizə də gəlib çatıb. Artıq Azərbaycanda 3 nəfərdə koronavirus aşkarlanıb.

 

Bəs koronavirusdan necə qorunmaq olar?

 

Məsələ ilə bağlı respublikanın baş infeksionisti Cəlal İsayev Modern.az-a məlumat verib.

 

“Koronavirus əsasən hava və damcı yolu ilə keçir. Bu da insanların daha az məsafədə təmasda olmasından asılıdır. Bir metrdən artıq təmas olarsa bu zaman da yoluxma ehtimalı xeyli aşağı düşür. Əşyalar vasitəsilə də keçir. Məsələn, bir qələmi xəstə istifadə edir və biz də həmin qələmdən istifadə edib, əlimizi gözümüzə, burnumuza vursaq o zaman yoluxa bilərik. Tövsiyə edərdim ki, xəstə insanlarla təmasda olmayın, ictimai yerlərdə, xüsusilə də avtobus və metrodan istifadə edən şəxslər mütləqdir ki, əllərini tez-tez sabunla yusunlar. Əgər yumaq imkanı yoxdursa, özünüzlə spirt gəzdirin, bununla əllərinizi yusaz kifayət edər. Çalışın insanların çox toplaşdığı yerlərdən qaçın. Su içərkən də diqqətli olun ki, mənşəyi bəlli olmayan sulardan istifadə etməyin. Tibbi maskalardan istifadə etsələr daha yaxşı olar. Ancaq ondan istifadənin də müəyyən bir müddəti var. İki saatdan artıq istifadə edilməməlidir. İki saatdan artıq istifadə edilmiş maskalar öz keyfiyyətini itirir”.

 

 

Baş infeksionist insanları təşvişə düşməməyə çağırıb:

 

“Baxıram ki, insanlar təşviş içərisindədirlər. Virus adətən yaşlı və immuniteti zəif insanlara ciddi təsir edir. Mən vətəndaşlarımızı  təşvişə düşməməyə çağırıram. Çünki koronavirus qripin bir növüdür, yəni deyildiyi qədər təhlükəli deyil. Hər kəsə bildirmək istəyirəm ki, koronavirus ölümcül virus deyil. Yəni hər zaman insanın ölümü ilə nəticələnmir. Təbii ki, içərisində yüngül olanları da var. Yəni kimsə düşünməsin ki, bir az xəstələnən kimi o dəqiqə koronavirus olacaq. Qətiyyən belə deyil, o fikri beyinlərinə yeridib, psixologilarına təsir edirlər. Nəticədə də insan fiziki cəhətdən özünü həm yorğun, həm də xəstə kimi hesab edir”.                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                          

Whatsapp
Bizə yazın!
Keçid et
Ukraynadan Rusiyaya ardıcıl zərbələr: Vəziyyət kritikdir