Koronavirus (2019-nCoV) təhlükəsi ilə bağlı, “Azərbaycan Xəzər Dəniz Gəmiçiliyi” QSC-ni (ASCO) əks-epidemik profilaktik tədbirlər həyata keçirir.
Bu barədə Modern.az-a ASCO-nun mətbuat xidmətindən məlumat verilib. Bildirilib ki, şirkətin balansında olan gəmilərdə, struktur idarələrdə mütəmadi aparılan dezinfeksiya işləri gücləndirilib.
Profilaktik tədbirlər çərçivəsində Qazaxıstan və Türkmənistan istiqamətində üzən bərə gəmiləri (13 bərə, 2 Ro-Ro) əlcək, respirator, eynək, kombinezon kimi qoruyucu vasitələr və məsafədən hərarət ölçən cihazlarla təmin olunub.
Qeyd edək ki, koronavirusun yayılmasının qarşısının alınması məqsədilə martın 5-dən Qazaxıstan Xəzər dənizindəki Aktau və Kurık limanlarına xaricdən gələn gəmilərin daxil olmasını dayandırır.
