Arxiv
14 mart 2020, 19:02 | MÜSAHİBƏ
Milli Məclis sədrinin I müavini: “Bizi qarşıda çox ciddi, gərgin və məsuliyyətli iş gözləyir”

Milli Məclisin Birinci vitse-spikeri, Hüquq və dövlət quruculuğu komitəsinin sədri Əli Hüseynli Modern.az-a müsahibə verib.


- Əli müəllim, Sizi Milli Məclis Sədrinin birinci müavini seçilməyiniz münasibəti ilə təbrik edirik. Bununla bağlı olaraq, Milli Məclisin gələcək fəaliyyəti ilə bağlı ilkin baxışlarınızı bilmək istərdik.


- Əslində Azərbaycan Respublikasının Prezidenti cənab İlham Əliyevin Milli Məclisdəki çıxışı gələcək fəaliyyətimizin konturlarını tam müəyyən edib. Əminəm ki, hakimiyyətin digər qolları ilə səmərəli və qarşılıqlı əməkdaşlıq şəraitində qarşımızda duran vəzifələrin öhdəsindən gələ biləcəyik. Amma artıq bu gün aydındır ki, bizi qarşıda çox ciddi, gərgin və məsuliyyətli iş gözləyir. Biz bilməliyik ki, hal-hazırda çox peşəkar hökumət mövcuddur və geniş miqyaslı islahatlar məhz onlar tərəfindən həyata keçirirlər. Biz də əslində hökumətə bu islahat kursuna müxtəlif sahələr üzrə daha səmərəli və effektiv təkliflərin verilməsi ilə dəstək olmalıyıq. Çünki Parlament-hökumət münasibətləri hansısa qüsuru qabartmaq və ya tənqiddən ibarət deyil.
Hesab edirəm ki, Parlament nəzarətini həyata keçirmək üçün deputatların özləri də peşəkar olmalıdır. Deputatın həm Parlamentdə həm də Parlamentdən kənarda davranışı onun nüfuzuna təsir edən vacib elementdir. Bunun üçün İntizam Komissiyasının fəaliyyəti gücləndirilməlidir, özünün katibliyi olmalıdır, katibliyin fəaliyyəti tam təmin edilməlidir. Bildiyiniz kimi biz keçən çağırış zamanı Azərbaycan Respublikası Konstitusiyasının 89 və 94-cü maddələrinə uyğun olaraq, deputatların etik davranış qaydaları ilə bağlı beynəlxalq standartlara cavab verən qanun qəbul etmişik. Qanunun əsas məqsədi  deputatların fəaliyyətində səmərəliliyin və şəffaflığın artırılması, Milli Məclisin nüfuzuna və yüksək deputat adına xələl gətirə biləcək davranışın qarşısının alınmasıdır. Əlbəttə bütün bu işlərin həyata keçirilməsi üçün Milli Məclisin aparatında da müvafiq islahatlar həyata keçirilməlidir.


- Əli müəllim, koronavirusla bağlı səhiyyə və hüquq siyasəti və dövlət quruculuğu komitələrinin birgə iclası keçiriləcək. Siz komitə sədri kimi bu sahədə hansı qanunvericilik tədbirlərinin görülməsini zəruri hesab edirsiniz?

 


- Həqiqətən də, bir sıra ölkələr bu problemlə bağlı çox ciddi tədbirlər görüblər. Azərbaycanda da bir sıra qabaqlayıcı tədbirlər görülüb. Azərbaycan Respublikasının Nazirlər Kabinetinin yanında operativ qərargahın fəaliyyətini yüksək qiymətləndirirəm. Həmin qərargahın koronavirusun qarşısının alınması ilə bağlı müvafiq qərarları mövcuddur. Amma aydındır ki, bir sıra qərarların qəbulu qanunlara söykənməlidir. Bu baxımdan qərara gəlmişik ki, birgə komitələrin iclası keçirilsin.

 

- Əli müəllim, Milli Məclisin ilk iclasında deputat Erkin Qədirli məhz hüquq siyasəti və dövlət quruculuğu komitəsində təmsil olunmaq niyyətini israrla bildirdi və ilk çıxışında da “Əmanətlərin tam sığortalanması” haqqında Azərbaycan Respublikası Qanununun layihəsinin cənab Prezident tərəfindən gəlməsini nəzərdə tutaraq, layihənin əsaslandırmasının da onun tərəfindən göndərilməsini bildirdi.

 

- Hüquq siyasəti və dövlət quruculuğu komitəsi Milli Məclisin ən aparcı komitələrindən biridir. Əvvəlki illərdə Milli Məclisdə hüquqşünasların sayı kifayət qədər  olmayıb. Bu baxımdan biz siyasi mənsubiyyətindən asılı olmayaraq, hüquqşünasların Hüquq siyasəti və dövlət quruculuğu komitəsində təmsil olunmasında maraqlıyıq. Amma mən komitə sədri kimi hüquqşünas millət vəkillərinə, o cümlədən Erkin Qədirliyə də tövsiyə edərdim ki, Parlamentdəki fəaliyyətə başlamamışdan əvvəl normayaratma işimizin əsasını təşkil edən qanunlarla o cümlədən “Normativ hüquqi aktlar haqqında” Azərbaycan Respublikasının Konstitusiya Qanununun müddəalarında daha diqqətli olsunlar.
“Normativ hüquqi aktlar haqqında” Azərbaycan Respublikasının Konstitusiya Qanununun 48-ci maddəsinə görə qanun layihəsi normayaratma orqanına təqdim edilərkən aktın qəbul edilməsi zərurəti əsaslandırılmalıdır. 48.3-cü maddə normativ hüquqi aktın qəbul olunması zərurətinin əsaslandırılmasına hansı məlumatların daxil edildiyi göstərilir. Amma Azərbaycan Respublikasının Prezidenti tərəfindən təqdim olunmuş layihələrlə bağlı istisna mövcuddur. Belə ki, 48.6-cı maddəyə əsasən Azərbaycan Respublikasının Milli Məclisinə Azərbaycan Respublikasının Prezidenti tərəfindən təqdim edilən qanun layihəsinə yalnız müşayiət məktubu əlavə olunur. Bu baxımından Erkin Qədirlinin bu iradının heç bir əsası yoxdur. Onu da bildirmək istəyirəm ki, 46.6-cı maddəyə görə Azərbaycan Respublikasının Prezidenti tərəfindən Azərbaycan Respublikasının Milli Məclisinə təqdim edilmiş qanun layihəsi bütün maraqlı dövlət orqanları ilə razılaşdırılmış hesab olunur.
Bununla yanaşı qeyd etmək istəyirəm ki, baxmayaraq ki, “Normativ hüquqi aktlar haqqında” Azərbaycan Respublikasının Konstitusiya Qanununda ümumiyyətlə normativ hüquqi aktların əsaslandırmanın yazılı olması ilə bağlı birbaşa tələb yoxdur, Milli Məclisin  işini daha effektiv və asan etmək məqsədi ilə qanun layihələrinə ehtiyac bilindikdə müqayisəli arayış və izahat da əlavə edilir. Həmçinin, Milli Məclisin komitə sədrlərinin və ümumiyyətlə məruzəçilərinin şifahi təqdimatı da  qanun layihəsinin əsaslandırılmasına xidmət edir və onun bir elementi kimi qəbul edilməlidir

 

- Ana Vətən partiyanın sədri Fəzail Ağamalı konstitusiya referendumunun keçirilməsi ilə bağlı kütləvi informasiya vasitələrində təkliflə çıxış edib və ümumiyyətlə, dövlət quruculuğu, seçki sisteminin dəyişdirilməsi ilə bağlı zaman zaman fikirlər səslənir.

 

- Millət vəkili Fəzail Ağamalının bu təklifi partiya sədrinin fikri kimi qəbul olunmalıdır. Qeyd etməliyəm ki, zamanında konstitusiyaya bir sıra əlavə və dəyişikliklərin təşəbbüskarı məhz Hüquq siyasəti və dövlət quruculuğu komitəsi olub. Amma birmənalı bildirirəm ki, hazırda konstitusiyaya əlavə və dəyişikliklər və ya referendumun keçirilməsi ilə bağlı rəsmi hüquq icitmaiyyətinin heç bir təklifi mövcud deyildir. Xahiş edirəm bunu nəzərə alasınız.  




BU KATEQORİYADAN OLAN DİGƏR XƏBƏRLƏR
+ Arxiv
Türkiyədə sel dörd nəfərin həyatına son qoyub 14 İyul 2020, 00:44 “Ermənistan törətdiyi bütün qanunsuz əməllərin cavabını verəcəkdir” - XİN 14 İyul 2020, 00:31 Naftalanda ağır qəza: ölənlər var 14 İyul 2020, 00:19 Heydər Əliyevin hakimiyyətə gəlməsindən 51 il ötür 14 İyul 2020, 00:13 “Ermənistan regionda gərginliyi artırmağa çalışır” - Hikmət Hacıyev 13 İyul 2020, 23:59 “Ermənistanın təcavüzünü pisləyirik” - İranlı sabiq deputat 13 İyul 2020, 23:42 Nazir Avropa İttifaqını cəbhədəki vəziyyətlə bağlı məlumatlandırdı 13 İyul 2020, 23:18 356 COVİD-19 xəstəsinin vəziyyəti ağırdır - FOTO 13 İyul 2020, 22:52 Şəmkirdə yağışın yaratdığı fəsadlar aradan qaldırılır 13 İyul 2020, 22:39 Çindən  ABŞ rəsmilərinə qarşı sanksiya 13 İyul 2020, 22:29 "Ölü" doğulan körpə basdırılarkən ağladı 13 İyul 2020, 22:14 Ukraynadan erməni təxribatına REAKSİYA 13 İyul 2020, 22:02 “Can Azərbaycana canımız fəda” - Mövlud Çavuşoğlu 13 İyul 2020, 21:51 Koronavirus Türkiyədə daha 19 can aldı 13 İyul 2020, 21:36 İranlı deputat koronavirusdan öldü 13 İyul 2020, 21:24 Ermənilərin 20-dən çox hərbçisi və texnikası məhv edildi - VİDEO 13 İyul 2020, 21:11 Cəlilabadda baş həkimin evi yandı 13 İyul 2020, 21:00 Quba-Xınalıq yolu BAĞLANDI 13 İyul 2020, 20:50 Elmar Məmmədyarov türkiyəli həmkarı ilə telefonla DANIŞDI 13 İyul 2020, 20:34 Gürcüstanın XİN başçısı azərbaycanlı həmkarına zəng etdi 13 İyul 2020, 20:29 Ermənilərin atdığı top mərmisi bu evə düşdü - VİDEO 13 İyul 2020, 20:18 Mətbuat Şurası cəbhədəki vəziyyətlə bağlı məlumat yaydı 13 İyul 2020, 20:09 Leysan yağışlar bu rayonlarda sel yaratdı -FAKTİKİ HAVA 13 İyul 2020, 20:00 Həmsədrlər cəbhədəki gərginliklə bağlı BƏYANAT yaydılar 13 İyul 2020, 19:50 Xarici işlər nazirlərinin üçtərəfli görüşü keçirildi 13 İyul 2020, 19:44 Spiker: “Azərbaycan əsgəri düşmənin istənilən həmləsinin qarşısını almağa qadirdir” 13 İyul 2020, 19:25 Gürcüstan prezidenti sərhəddəki gərginliklə bağlı bəyanat yaydı 13 İyul 2020, 19:17 Dərsliklərə yeni mövzular salınacaq - Təhsil Nazirliyi 13 İyul 2020, 19:00 Buraxılış imtahanlarının nəticələri ilə bağlı Apellyasiya komissiyası yaradıldı 13 İyul 2020, 18:50 Ermənistan ordusu Tovuzun Dondar Quşçu kəndini toplardan atəşə tutub 13 İyul 2020, 18:40 İdeyalarını reallaşdırmaq istəyənlər üçün fürsət: “EduHack” hakatonu   13 İyul 2020, 18:33 Müdafiə Nazirliyi Erministan tərəfinin iddialarını YALANLADI 13 İyul 2020, 18:25 ABŞ-da virusdan ölənlərin sayı 140 minə YAXINLAŞIR 13 İyul 2020, 18:21 Şəhid oğullarımızın qanı yerdə qalmayacaq - Bəyanat 13 İyul 2020, 18:17 Qarabağ həqiqətlərinin dünyada təbliği müzakirə olundu 13 İyul 2020, 18:12