Modern.az

Gəncədə karantin qaydalarını pozan “jurnalist” SAXLANILDI

Gəncədə karantin qaydalarını pozan “jurnalist” SAXLANILDI

Hadisə

11 Aprel 2020, 10:17

Gəncədə jurnalist olması barədə saxta sənəd  hazırlayaraq karantin qaydalarını pozmağa çalışan şəhər sakini saxlanılıb.

 

DİN-in Mətbuat Xidmətinin Gəncə regional qrupundan Modern.az-a verilən məlumata görə, Gəncə şəhər Baş Polis İdarəsinin əməkdaşları şəhər ərazisində xüsusi karantin rejimi ilə əlaqədar xidmət apararkən, şəhər sakini Tural Abbasovun evdən çıxması barədə xüsusi icazəsinin olub-olmamasını yoxlayan zaman o, “Gəncənin Səsi” qəzetində işlədiyini bildirib.

 

Üzərində gəzdirdiyi, həmin müəssisənin əməkdaşı  kimi işlədiyinə dair yazılar olan sənədi polis əməkdaşlarına təqdim etdikdə isə onun saxta olduğu müəyyən edilib. T. Abbasov ərazi üzrə polis idarəsinə gətirilib və ilkin dindirilmə zamanı törətdiyi əməli etiraf edib.Saxlanılan şəxs ifadəsində  xüsusi karantin rejiminin qaydalarını pozmaq və şəhər  ərazisində sərbəst şəkildə hərəkət etmək üçün bu yola əl atdığını bildirib.

 

Faktla bağlı araşdırmalar davam etdirilir

 

Instagram
Gündəmdən xəbəriniz olsun!
Keçid et
Ukraynadan Rusiyaya ardıcıl zərbələr: Vəziyyət kritikdir