Dünyanı cənginə alan koronavirus pandemiyasından uzaq durmaq üçün hamı karantin rejiminə əməl edərək evdə oturur.
Evdə darıxmamaq üçün kimisi mətbəxdə məharətini göstərir, kimisi isə mahnı oxuyub, rəqs edir. Onlardan biri də peşəkar musiqiçi Senya Rabayevdir.
Modern.az xəbər verir ki, uzun zamandır İsraildə yaşayan əslən bakılı S.Rabayev “Qarabağ - ana yurdum” mahnısını həm oxuyub, həm də böyük ustalıqla kamançada ifa edib.
Həmin anları lentə alan musiqiçi görüntüləri “Facebook” hesabında izləyiciləri ilə bölüşüb. Az zaman çərçivəsində sürətlə paylaşılan S.Rabayevin bu ifası sosial media əhli tərəfindən böyük rəğbətlə qarşılanıb.
Əsl adı Siin olsa da, valideynləri ona Senya deyiblər. Azərbaycanlı dostlar isə ona Salman adını veriblər. O, Hayfada vergi müfəttişi işləyib. Daha sonra özəl vergi firmasında çalışıb. Yaradıcılıqla məşğul olan Rabayev İsraildə dörd albom buraxıb. Senya Rabayev doğma Bakı şəhərinə sevgisini şeir və mahnılarında dilə gətirir.(Oxu.Az)
