Ötən axşamdan başlayaraq Azərbaycanın şimal bölgəsinin dağlıq ərazidə yerləşən kəndlərinə qar yağıb.
Modern.az xəbər verir ki, Şəkinin Böyük Qafqaz dağlarının yamacında dəniz səviyyəsindən 1400 metr yüksəklikdə yerləşən Şin kəndinə də 3 sm hündürlüyündə qar yağıb. Səhər saatlarında isə qar yağış və sulu qarla əvəzlənib.
Kənd sakinləri havanın +5 dərəcə olduğu üçün yağan qarın çiçəklənmə dövrünü yaşayan meyvə ağaclarına zərər vurmadığını bildiriblər. Amma şaxtaların düşəcəyi təqdirdə meyvə çiçəklərini don vuracağını istisna etməyiblər.