İsraildə son sutka ərzində COVID-19-a yoluxan üç xəstə ölüb, ölkədə ümumi virus qurbanlarının sayı 271 nəfərə çatıb.
Modern.az xəbər verir ki, bu barədə İsrailin Səhiyyə Nazirliyindən bildirilib.
Hazırda ölkədə 3452 koronavirus xəstəsi var, onlardan 59 nəfərin vəziyyəti ağırdır. İndiyədək 12 884 nəfər koronavirusdan sağalıb.
Xatırladaq ki, İsrail tədricən karantin rejimindən çıxmağa başlayıb. Ölkədə 50 nəfərə qədər şəxsin iştirakı ilə ictimai tədbirlər keçirməyə icazə verilir. Məktəblərin fəaliyyəti bərpa olunub. Mayın 20-dən etibarən çimərliklərə getməyə icazə veriləcək.
