Dünyanın daha iki ölkəsində koronavirus (COVID-19) xəstəsi qalmayıb.
Modern.az xəbər verir ki, Kamboca və Eritreyada infeksiyaya yoluxmuş bütün xəstələr sağalıb.
Qeyd edək ki, Kambocada 122, Eritreyada isə 39 nəfərdə COVID-19 qeydə alınmışdı.
Beləliklə, Ümumdünya Səhiyyə Təşkilatı (ÜST) Kamboca və Eritreyanı koronaviruslu ölkələr siyahısında sıfır göstərici ilə işarələyib.
Qeyd edək ki, bundan öncə Qrelandiya, Sent-Bartelemi, Folklend Adaları, Anguilla, Surinam, Papua-Yeni Qvineya, Beliz, Yeni Kaledoniya, Farer Adaları, Mavriki, Qərbi Saxara, Sen-Pyer və Mikelon, Karib Niderlandı, Müqəddəs Lüsiya və Şərqi Timorda koronaviruslu xəstə qalmayıb.
ÜST-ün məlumatına görə COVID-19 dünyanın 213 ölkə və bölgəsində qeydə alınıb.
T.İSMAYIL
