“Eurovision”un Azərbaycandakı rəsmi Fan Klubu və Mərdəkanda yerləşən 2 saylı İnternat Məktəbinin Nəfəs Alətləri Orkestrı Bakı sakinlərini təəccübləndirib. Fan klubdan Modern.az-a verilən məlumata görə, “Eurovision”un Azərbaycandakı rəsmi Fan Klubu Nar Mobile-nin dəstəyi ilə Bakının mərkəzi- Nizami küçəsində, nəfəs alətləri orkestrı ilə birgə kiçik konsert təşkil edib. Açıq havada bütün insanların dinləyə biləcəyi qısa konsert zamanı uşaqlar Rauf Hacıyevin “Azərbaycanım”, Tofiq Quliyevin “Dostluq” əsərlərini, həmçinin bir sıra, dünyaca məşhur musiqi əsərlərini ifa ediblər.
