Bu gün Azərbaycanda daha 5389 nəfər koronavirus testindən keçib.
Modern.az xəbər verir ki, bu barədə Tibbi Ərazi Bölmələrini İdarəetmə Birliyi (TƏBİB) məlumat yayıb.
Məlumata əsasən, indiyədək ümumilikdə 245 609 test keçirilib. Reanimasiyada olan xəstə sayı 62, süni tənəffüs cihazında olan xəstə sayı 11-dir.
Qeyd edək ki, indiyədək ölkədə 3 631 nəfər virusa yoluxub.
Bundan başqa indiyədək virusa yoluxan 43 nəfər dünyasını dəyişib. Bu günə qədər koronavirusdan 2 253 nəfər xəstə sağalıb, 1 335 nəfər isə müalicə alır.
