“Aşıq Şəmşir” Mədəniyyət Ocağı İctimai Birliyinin mətbuat xidməti Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə həyata keçirdiyi layihə haqqında modern.az–a açıqlama verib.
“Layihəmiz “USTADNAMƏLƏR - milli dəyərlərimizin əlifbasını birgə oxuyaq” adlanır. Birliyimiz bu layihənin icrasına 15 aprel 2012- ci il tarixindən başlayıb. U babalarımızdan bizlərə əmanət qalan maddi və mənəvi mədəniyyət nümunələrimizin qorunması, onların araşdırılması və gənc nəslə bu istiqamətdə biliklərin verilməsi bu gün Azərbaycan dövlətinin də əsas məqsədidir.
Bu məqsəd naminə gənc nəslin təlim-tərbiyəsində milli dəyərlərimizdən və mill dəyərlərimizin əlifbası olan ustadnamələrimizdən istifadənin vacibliyini nəzərə alaraq, onların təbliği və gənc nəslə çatdırılması bu layihənin əsasını təşkil edir. Lahiyədə görüləcək işlər bu gün uğurla davam etdirilir”.