Regionlarda meşələrin qırılması halları mövcuddur.
Modern.az-ın məlumatına görə, bunu Dövlət Ekoloji Təhlükəsizlik Xidmətinin rəisi Hikmət Əlizadə bildirib.
O qeyd edib ki, bununla bağlı nazirlik tərəfindən daim mübarizə aparılır:
"Neqativ hallara qarşı cəza tədbirləri görülür. Bu əmələ yol verən əməkdaşımız olsa belə, onunla yollarımızı ayırırıq".
Rəisin sözlərinə görə, bəzi hallarda meşələrin kəsilməsi labüddür:
"Müdafiə Nazirliyinin, Dövlət Sərhəd Xidmətinin hərbi hissələrini, Təhsil Nazirliyinin qurumlarını odunla təmin edirik. Bu isə texniki qırılmadır ki, qanun çərçivəsində buna icazə verilir".