Arxiv
3 İyun 2020, 13:35 | ÖLKƏ
Yüksək postu itirən məmurlar - Onlar aşağı vəzifəni özlərinə sığışdırmırlar...  

Vəzifədən çıxarılanda ürək-göbəyi düşənlər, şəkər tapanlar, küsüb-inciyənlər...


Kreslo, vəzifə, yüksək kürsü - kiminə görə ucalmaq istədiyi ən yüksək məqam, kiminə görə əbədi məkan... Elə bizim bəzi məmurlar üçün də… Əgər belə olmasaydı, tutduqları yüksək postlardan kənarlaşdırılandan sonra təklif edilən daha aşağı vəzifələrdən imtina etməz, kreslo dərdindən xəstəxanalara düşməzdilər.

 

Kimsə işdə yol verdiyi nöqsanlara görə...

 

Konstitusiya Araşdırmaları Fondunun rəhbəri Əliməmməd Nuriyev bu barədə Modern.az-a danışarkən bildirib ki, Azərbaycanda idarəetmə mədəniyyəti yoxdur:

 

“İcra başçısı, nazir, komitə rəhbəri və s. ilk növbədə siyasi vəzifələrdir. Bir quruma rəhbərlik etmiş şəxsin vəzifədən azad ediləndən sonra həmin yerdə aşağı vəzifədə çalışması sırf psixoloji baxımdan onun üçün problemlər yarada bilər.

Ümumiyyətlə, bizdə idarəetmə mədəniyyəti yoxdur. Böyük əksəriyyət düşünür ki, vaxtilə bu və digər işin görülməsilə bağlı göstəriş verirdisə, indi o tapşırıqları özü yerinə yetirə bilməz, yəni kiminsə buyuruğunda çalışa bilməz.

Amma mən hər zaman onun tərəfdarıyam ki, müəyyən təcrübəyə sahib olan insanların potensialından istifadə olunsun. Təbii ki, söhbət pozitiv təcrübədən gedir. Əgər kimsə işində yol verdiyi nöqsanlara görə vəzifəsindən azad edilibsə, ümumiyyətlə, onun həmin qurumda qalıb işləməsi özü qanunaziddir”.

 

“Kreslo kök salmaq üçün deyil”

 

Hüquqşünas qeyd edib ki, heç bir vəzifə əbədi deyil:

 

“Vaxtilə nazir olub sonra səfir göndərilənlər, rektorluq edənlər var. Elələri də var ki, ümumiyyətlə, daha aşağı vəzifəni özlərinə sığışdırmırlar. Məsələyə məhz bu prizmadan baxmaq lazımdır. Anlamaq lazımdır ki, vəzifə müvəqqətidir. Bu gün o potensialın varsa ki müəyyən işlərin öhdəsindən gəlirsən, buna rəğmən vəzifənin müvəqqəti olduğunu bilməlisən.

Sən bir müddət sonra o vəzifədən azad edilə bilərsən, istefa verə bilərsən və s. səbəblərdən çıxa bilərsən. Ona görə də insan özünü daim buna hazır etməlidir. Amma bizdə hələ sovet dövründən qalma bir ənənə var ki, kimsə vəzifəsindən azad olunursa, o “vurulmuş” hesab olunur. Çünki bəzən bir nəfər eyni vəzifədə o qədər kök salır, həmin vəzifəni o qədər mənimsəyir ki, o kürsüdən azad olunanda ətrafa qəribə gəlir. Həm də bizdə elə bilirlər ki, vəzifəyə ömürlük təyin olunublar. Məhz uzun müddət eyni vəzifədə qalmaq insanlarda bu davranışları yaradır. Mən insanlar tanıyıram ki, vəzifədən gedəndən sonra səhhətlərində çox ciddi problemlər yaranıb. Çünki düşünürlər ki, onlar yalnız idarə etmək üçün yaranıblar, kimlərəsə əmr və göstəriş verməlidirlər. Bu xarakter onlarda həyat tərzinə də çevirilir. İşə həvəslə yanaşmaq lazımdır, amma bunu həyat tərzinə çevirmək olmaz. Hər kəs bilməlidir ki, vəzifə müvəqqətidir və uzun müddət eyni vəzifədə qalmaq heç də uğurlu deyil. Çünki sən tükənirsən, həmin vəzifədə qalmaqla bütün potensialını oraya yönəldirsən, amma bir müddətdən sonra bütün verə biləcəklərin yox olur”.

 


"Azərbaycanda yeni hökumət modeli yaradılmalıdır"

 

Ə.Nuriyev “ASAN xidmət” modeli əsasında “ASAN hökumət” yaradılmasını təklif edib:

 

“Ola bilsin ki, bu gün bir vəzifədəsən, sabah başqa bir vəzifəyə keçərsən. Bu, istisna deyil. Bu o deməkdir ki, təyin edən şəxs səni digər vəzifələrdə də sınamaq istəyir. Amma şəxsin 6 aylıq bir vəzifədə qalması da düzgün deyil. Çünki insan öz potensialını tam göstərə, peşəkarlaşa bilmir. Yüksək siyasi vəzifələr yaxşı menecmentlik tələb edir. Bu adamlar səhiyyə naziri də ola bilər, təhsil naziri də. Çünki idarəetmə qabiliyyəti var. Bizdə çox vaxt idarəetmə, işin təşkili məsələsi bir kənarda qalır. Son proseslər bu stereotiplərin dağıdılması istiqamətində atılan addımlardır. Mən hər zaman o düşüncənin qalib gəlməsinin tərəfdarıyam ki, “ASAN xidmət” modeli əsasında “ASAN hökumət” yaradaq. Asan, ağıllı hökumət yaratmaq üçün transformasiya etmək lazımdır. Söhbət nəsil dəyişikliyinin baş verməsi deyil, əsas məsələ peşəkarlıq, insanlarla davranış qaydalarının yeni modelinə keçiddir. Azərbaycan üçün yaxşı idarəetməyə keçidin yetərli olmaması idarəetmədə nasazlığa gətirib çıxarır. Bu, həmin qurumların təchizatlarının yaxşı işləməməsi, onlara inam və etimadın zəif olmasına səbəb olur. Bu isə idarəetmə sistemində qüsurların yaranmasını doğurur, başqa “sazlama”, korrupsiya alətlərindən istifadəyə şərait yaradır. Strateji düşüncə bizim məmurlarda çox vaxt özünü göstərmir. Bununla bağlı bizim məmurlarımızda vizion problemi var. Bu baxımdan dünya praktikasında mövcud olan daha aydın vizion  yaradılmasına ciddi ehtiyac var”.

BU KATEQORİYADAN OLAN DİGƏR XƏBƏRLƏR
+ Arxiv
Ermənistan ordusu yeni itkiləri ETİRAF ETDİ 13 İyul 2020, 16:30 Müdafiə Nazirliyi Qaraqaya yüksəkliyi ilə bağlı məlumat yaydı 13 İyul 2020, 16:20 Çingiz Qənizadə: “Beynəlxalq hüquq və BMT-nin Nizamnaməsi Azərbaycanın tərəfindədir”.   13 İyul 2020, 16:15 Mehriban Əliyeva: “Azərbaycan xalqı işğalla heç vaxt barışmayacaq” 13 İyul 2020, 16:09 Baş Prokurorluq şəhidlərimizin ailələrinə başsağlığı verdi 13 İyul 2020, 16:05 Putin Ərdoğan Aya Sofya məbədini müzakirə etdilər 13 İyul 2020, 16:04 “Mülki əhali arasında itki yoxdur” - Nazirlik 13 İyul 2020, 16:01 Vətəndaşlardan hədə-qorxu ilə pul tələb edən şəxs tutuldu 13 İyul 2020, 15:56 Avropa İttifaqı Ermənistan-Azərbaycan sərhədində vəziyyətlə bağlı bəyanat YAYDI 13 İyul 2020, 15:50 Şəhid baş leytenantla vida mərasimi keçirilir - FOTO 13 İyul 2020, 15:44 Deputat Ermənistanı “dünyaya meydan oxumaq”da  ittiham etdi 13 İyul 2020, 15:38 Ermənistanda əsgər anaları TƏŞVİŞDƏ: “Övladlarımızdan xəbər ala bilmirik” 13 İyul 2020, 15:33 Bu il üç milyon nəfərə 3,059 milyard manat sosial ödəniş edilib 13 İyul 2020, 15:28 115 kubalı həkim Azərbaycana gəldi 13 İyul 2020, 15:22 Vilayət Eyvazov daha bir rəisi təqaüdə göndərdi 13 İyul 2020, 15:16 Nazirlikdən xəbərdarlıq - Qeyri-sabit hava həftə sonuna qədər davam edəcək   13 İyul 2020, 15:10 Polis Bakıda əməliyyat keçirdi - Narkotacirlər saxlanıldı 13 İyul 2020, 15:04 Lavrov Məmmədyarova ZƏNG ETDİ - Cəbhədəki vəziyyət müzakirə olundu 13 İyul 2020, 14:58 Şabranın bu bu kəndinə su çəkilir - FOTO 13 İyul 2020, 14:52 Təhsil İdarəsinə yeni rəis təyin olundu 13 İyul 2020, 14:46 Deputat şəhid Xəyyam Daşdəmirovun ailəsilə görüşüb - FOTO   13 İyul 2020, 14:40 Oğluna sünnət toyu etməyə cəhd göstərdi, CƏRİMƏLƏNDİ 13 İyul 2020, 14:35 Deputat: Ermənistan növbəti dəfə məqsədli şəkildə təxribata əl atdı” 13 İyul 2020, 14:34 Rusiya Azərbaycanla Ermənistan arasında vasitəçi olmaq İSTƏYİR 13 İyul 2020, 14:32 Elm və təhsil komitəsinin növbəti onlayn iclası keçirilib 13 İyul 2020, 14:30 “Abituriyentlər üçün dərs vaxtı”nın sabaha olan CƏDVƏLİ 13 İyul 2020, 14:26 Azərbaycan diasporu etiraz bəyanatları yayır 13 İyul 2020, 14:24 Azərbaycanın Qazaxıstandakı səfirliyində dövlət bayrağı endirildi 13 İyul 2020, 14:20 “Aprel döyüşləri heç kimin yadından çıxmasın” - TƏHLİL 13 İyul 2020, 14:09 Evin həyətində narkotik əkən tutuldu - FOTO 13 İyul 2020, 14:05 “Nar” və TƏBİB “Günün Qəhrəmanları” müsabiqəsinə start verir 13 İyul 2020, 14:00 ““Ordumuzla birgəyik” demək azdır…” - Sahib Alıyev 13 İyul 2020, 13:55 YAP cəbhədəki təxribatla bağlı bəyanat YAYDI 13 İyul 2020, 13:49 Baş nazirin müavini: “Xalq yeni qəhrəmanlarını tanıdı” 13 İyul 2020, 13:43 Prezident: “Həlak olan hərbçilərimizin qisası alındı!” - YENİLƏNİB 13 İyul 2020, 13:40