Nigeriyanın şimal-şərqində, Qərbi Afrikada terror təşkilatı “Boko Haram” tərəfindən təşkil edilən silahlı hücumda 69 nəfər ölüb.
Modern.az xəbər verir ki, Nigeriya Milli mətbuatında yer alan xəbərlərə görə, Borno əyalətinin Foduma Kolomaiya kəndinə gələn Boko Haram təşkilatının üzvləri qarşılarına gələn hər kəsə atəş açıblar. Hücumda 69 adam ölüb, çox sayda insan yaralanıb.
Bir çox evin yandırıldığı hücumda təxminən 300 baş mal-qara da məhv edilib.
Nigeriya Ordusunun sözçüsünün müavini Musa Sagir hələ ki, hadisə ilə bağlı açıqlama verməyib. Qeyd edək ki, son iki ayda 1429 təşkilat üzvü zərərsizləşdirilib
