Azərbaycanda Rəqabət Məcəlləsinin layihəsi hazırlansa da, Milli Məclisdə müzakirəyə çıxarılmır.
Maraqlıdır, Rəqabət Məcələsi layihəsi parlamentin payız sessiyasında müzakirəyə çıxarılacaqmı?
Milli Məclisin İqtisadi siyasət və sahibkarlıq komitəsinin sədri Tahir Mirkişili Modern.az-a açıqlamasında bildirib ki, layihənin nə zaman müzakirə ediləcəyi bəlli deyil:
“Milli Məclisin payız sessiyasında Rəqabət Məcəlləsinin müzakirəyə çıxarılacağı barədə hər hansı fikirləri səsləndirmək çətindir. Çünki payızda iş planı hazırlanacaq”.
Qeyd edək ki, Rəqabət Məcəlləsi 2006-cı ildə Prezident tərəfindən Milli Məclisə təqdim edilib. Qanun layihəsi 2 oxunuşdan keçsə də, 3-cü oxunuşa çıxarılmayıb.
