Yanvarın 18-də Səhiyyə Nazirliyində səhiyyənin təşkili məsələlərinə həsr olunmuş işgüzar müşavirə keçirilib. Məlumatı Modern.az-a Səhiyyə Nazirliyinin mətbuat xidmətindən veriblər.
Bildirilib ki, müşavirədə Səhiyyə Nazirliyinin sektor bölmələrinin, habelə şəhər və rayon səhiyyə orqanlarının rəhbərləri iştirak ediblər. Müşavirədə əsasən Nazirliyin struktur dəyişiklikləri barədə əmrlərin yerlərdə icrası, statistik hesabatlar, əlillik, vətəndaşların ərizə və şikayətləri, ana və uşaq ölümü, infeksiyon xəstəliklər, "donuz qripi"nin profilaktikası, kadrlarla iş, dərman və ərzaq təminatı və s. bu kimi məsələlər müzakirə olunub.
