Avqustun 10-da Naftalan Şəhər İcra Hakimiyyətinin başçısı Vüqar Novruzov müracət edən vətəndaşlarla növbəti onlayn qəbul keçirib.
Modern.az xəbər verir ki, Şəhər İcra Hakimiyyətinə gələn vətəndaşların qəbulda iştirakı üçün karantin rejiminin tələbləri gözlənilməklə şərait yaradılıb. Belə ki, onlar idarəyə daxil olmazdan öncə dezinfeksiyaedici məhlullarla əllərini təmizləyib və qoruyucu tibbi maskalarla təmin ediliblər. Qəbula gələn vətəndaşlar növbəli şəkildə fikirlərini səsləndiriblər.
Dinlənilmiş bütün vətəndaş müraciətləri qeydiyyata alınaraq nəzarətə götürülmüşdür. Qəbul zamanı bir neçə vətəndaşa müvafiq izahat verilib, bəzi qaldırılan məsələlərin həlli aidiyyəti qurum və təşkilat rəhbərlərinə tapşırılıb və onların həlli nəzarətə götürülüb.
Ümumilikdə 20-dən çox vətəndaşın müraciəti dinlənilib. Müraciətlərin əsas məzmunu işlə təmin olunma, torpaq sahəsi əldə edilməsi və sair məsələrlə bağlı olub.
Onlayn qəbul zamanı bir daha hər bir vətəndaşa karantin rejiminin şərtllərinə əməl etmələrini tövsiyə edib.
Qəbula gələnlər onların şikayət və təkliflərinin dinlənilməsindən məmnunluqlarını ifadə edərək ölkədə, o cümlədən Naftalanda həyata keçirilən müxtəlif sosial layihələrə, abadlıq-quruculuq işlərinə görə möhtərəm cənab Prezident İlham Əliyevə və Birinci Vitse-Prezident hörmətli Mehriban xanım Əliyevaya sonsuz minnətdarlıqlarını bildiriblər.
