Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə “Lider Qadınlar” İctimai Birliyinin Qarabağ müharibəsində əziyyət çəkən ailələrin uşaqlarının düşüncəsindəki Qarabağı görmək məqsədi ilə təşkil etdiyi müsabiqə yekunlaşıb. Bu gün “Lider Qadınlar” İB-nin qərargahında qurumun sədri, millət vəkili Məlahət İbrahimqızı “Qarabağ nəğmələri” inşa müsabiqəsinin qaliblərini diplom və hədiyyələrlə təltif edib. Mükafata təqdim edilən 6 inşanın müəllifi Şuşa, Xocalı, Kəlbəcər, Cəbrayıl, Füzulidən olan şagirdlərdir.
“Qarabağ nəğmələri” adlı inşa müsabiqəsində 500-ə yaxın şagird iştirak edib. Təqdim olunan inşalardan 25 ən yaxşısı münsiflər tərəfindən seçilərək, ingilis dilinə tərcümə edilib kitab şəklində çap olunacaq.