ABŞ-ın “U.S News and World Report” jurnalı dünyanın yaşamaq üçün ən münasib 70 ölkəsinin reytinq cədvəlini tərtib edib.
Modern.az xəbər verir ki, reytinq 9 kriteriya – sahibkarlığın inkişafı, turistlər arasında populyarlıq, öz vətəndaşlarına münasibət (insan haqlarının qorunması, ekologiya, gender bərabərliyi), mədəni təsir, tarixi irs, potensial inkişaf, biznes üçün açıqlıq, hərbi güc və həyat keyfiyyəti əsasında hazırlanıb.
ABŞ jurnalı yaşayış üçün ən yaxşı ölkələrin siyahısına İsveçrə (1), Kanada (2), Yaponiya (3), Almaniya (4) və Avstraliyanı (5) daxil edib.
Azərbaycan 61-ci, qonşu ölkələrdən Rusiya 23-cü, Türkiyə 35-ci, Qazaxıstan 66-cı yerdə qərarlaşıb.
