Xəbər verdiyimiz kimi Tələbə Qəbulu üzrə Dövlət Komissiyası (TQDK) bu gün respublikanın 12 rayonunda növbəti buraxılış imtahanını keçirir. İmtahanlar Xocavənd, Yevlax, Ağcabədi, Ağdam, Bərdə, Tərtər, İmişli, Saatlı, Sabirabad, Füzuli, Zərdab və Beyləqan şəhərlərində orta ümumtəhsil müəssisələrinin XI və IX sinif şagirdləri üçün aparılır.
TQDK-nın mətbuat katibi Elnur Nağızadə Modern.az-a açıqlamasında bildirib ki, qurumun sədri Məleykə Abbaszadə şəxsən Saatlı-Sabirabad zonasına səfər edib və imtahanların gedişi ilə maraqlanıb:
“İmtahanda adı çəkilən rayonlar üzrə 11188 nəfər XI sinif şagirdin imtahan verməsi nəzərdə tutulurdu və həmin imtahanlar başa çatıb. TQDK sədri Məleykə Abbaszadə Saatlı və Sabirabad rayonları üzrə birinci növbə imtahanların gedişini izləyib. İmtahanlar normal şəraitdə keçib”.
Anar Kəlbiyev