ABŞ Ukraynada prezident seçkilərinin birinci turunun keçirilməsini alqışlayır. Modern.az-ın Ukrayna mətbuatına istinadən veriyi məlumata görə, bu barədə ABŞ Dövlət Departamentinin rəsmi nümayəndəsi Filip Krouli açıqlama verib. DP rəsmisi qeyd edib ki, Amerika seçkilərin ən yüksək beynəlxalq standartlara cavab verdiyini bəyan edir. “Biz 17 yanvar prezident seçkiləri ilə əlaqədar ukraynalıları təbrik edirik, seçkilər ATƏT-ə görə yüksək standartlara cavab verib və əvvəlki seçkilərlə müqayisədə nəzərəçarpacaq proqresi nümayiş etdirib”-deyə Dövlət Departamenti rəsmisi bildirib. Krouli əlavə edib ki, son seçkilər bir daha Ukraynada demokratiyanın inkişafının əyani nümayişi olub.
“Birləşmiş Ştatlar fevralın 7-ə təyin olunmuş ikinci tur seçkilərin ədalətli və şəffaf keçirilməsinə ümid edir”.
Krouli qeyd edib ki, rəsmi Vaşinqton Ukrayna xalqının prezident seçəcəyi istənilən liderlə işləmək imkanını gözləyir.
