“Məktəblərdə şagird və müəllimlər arasında koronavirusa yoluxma halları baş verib.
Bu gözlənilən idi. Çünki qabaqlayıcı tədbirlər yox həddindədir”.
Modern.az-ın məlumatına görə, bunu təhsil eksperti Kamran Əsədov deyib.
Onun sözlərinə görə, bu gedişlə 2 həftə sonra tədris prosesi dayandırılacaq.
“Bu gün Bakı şəhərində 30-dan çox məktəbin qarşısında monitorinq apardım.
Bəli, valideynlər məktəbə buraxılmır. Amma bu həll yolu deyil”.
Ekspert yaranmış vəziyyətlə əlqaədar bəzi təkliflər irəli sürüb:
“1. Şagirdlər məktəbə eyni girişdən daxil olub, elə həmən girişdən də çıxmamalıdırlar.
Dərslər növbəli olduğuna görə bir qrup dərsdən çıxanda o biri daxil olur və qapının ağzında sıxlıq yaranır.
Məktəbin bir neçə çıxışı istifadə edilməlidir.
Mövcud vəziyyət davam etsə, 2 həftə sonra tədris prosesi yenidən dayanacaq”
Təhsil Nazirliyinin 21 sentyabr 2020-ci il tarixinə olan məlumatına görə, dərs ili başlayandan bu günədək 95 şagird və 26 işçi heyəti olmaqla 121 nəfərdə koronavirus aşkarlanıb.