“Ermənistan tərəfi bu səhər həyata keçirdiyi son hücumlarla səbr daşını çatladıb. Əlbəttə, hər səbrin sonu var. Azərbaycan da bu təcavüzkar hücum qarşısında lazım olan cavabı verməyə başlayıb”.
Modern.az xəbər verir ki, bunu Türkiyənin Azərbaycandakı səfiri Erkan Özoral deyib.
O bildirib ki, Türkiyə Ermənistan tərəfinin təcavüzkar hücumlarını şiddətlə qınayır: “Azərbaycanın hər zaman yanında olduğumuzu bir daha vurğulayırıq. Bu gün prezidentlərimiz də telefonla danışdılar.
Eyni zamanda, Türkiyədən müxtəlif rəsmilər bütün səviyyələrdə bəyanatlar və açıqlamalar yayaraq Azərbaycanın yanında olduğumuzu vurğulayırlar. Əlbəttə ki, qardaşımızın hər zaman yanında olduq və bundan sonra da Azərbaycana dəstəyimizi verməyə davam edəcəyik". (APA)
