Qırğızıstan prezidenti Sooronbay Jeenbekov ölkədə qanunun aliliyi bərqərar olduqdan sonra istefa verə biləcəyini deyib.
Modern.az xarici KİV-ə istinadən xəbər verir ki, Jeenbekov ölkədə siyasi durumun kritik həddə çatdığını deyib.
Vəziyyətin stabilləşməsi üçün Jeenbekov yeni parlament seçkilərinin keçirilməsini, baş nazir və hökumətin istefasını, parlamentin fəaliyyəti üçün hüquq-mühafizə orqanlarının cəlb olunmasını və s. təklif edib.
Xatırladaq ki, Qırğızıstanda parlament seçkiləri oktyabrın 4-də baş tutub.