Modern.az

İranda yenidən karantin rejimi tətbiq olunacaq

İranda yenidən karantin rejimi tətbiq olunacaq

31 Oktyabr 2020, 23:53

İranda koronavirusa yoluxanların və ölənlərin sayında kəskin artım müşahidə olunur.

 

Modern.az xəbər verir ki, bu günə olan məlumata görə, ölkədə 7 min 820 nəfər koronavirusa yoluxub, 386 nəfər isə vəfat edib. İranda virusa yoluxanların ümumi sayı 612 min 772 nəfər, ölənlərin sayı isə 34 min 864-ə çatıb.

Müalicəsi davam edən 5 mindən çox xəstənin vəziyyəti ağır olaraq qalır. Bununla yanaşı, 481 min 930 nəfər sağalaraq evə buraxılıb.

 

Bu gün Prezident Həsən Ruhaninin iştirakı ilə koronavirusla mübarizə üzrə milli mübarizə komitəsinin iclası keçirilib.

Prezident bildirib ki, yoluxanların və ölənlərin sayının artması ilə əlaqədar karantin rejimi yenidən tətbiq olunacaq.

Onun sözlərinə görə, İranın 25 vilayətindəki 46 şəhərdə 10 gün müddətində karantin rejimi tətbiq ediləcək. Təhsil müəssisələri ilə yanaşı, ictimai iaşə obyektlərinin fəaliyyəti qadağan olunacaq.

Instagram
Gündəmdən xəbəriniz olsun!
Keçid et
Paşinyan Qazaxa gəldi - Ermənilər üzərinə hücum çəkdi