Akademik Zərifə Əliyeva adına Liseyin XI A2 sinif şagirdləri yaralı əsgərlərə kitab hədiyyə ediblər.
Bu barədə Modern.az-a Bakı şəhəri Təhsil İdarəsindən məlumat verilib.
Bildirilib ki, şagirdlərin təşəbbüsünə “Çörəkçi” qrupu da qoşularaq onlara dəstək verib.
Aksiyanın əsas məqsədi əsgərlərin mənəvi-emosional ruhunun daha da yüksəldilməsi və asudə vaxtlarının səmərəli təşkilindən ibarətdir.
Qeyd edək ki, Azərbaycan və dünya ədəbiyyatına, mədəniyyətinə, tarixinə aid 200-dən çox kitab əsgərlərə təqdim edilib. Hər bir kitabın içərisində isə şagirdlərin əsgərlərimizə yazdıqları ürək sözləri yer alır.
Aksiyanın davam etdirilməsi nəzərdə tutulur.