AMEA Radiasiya Problemləri İnstitutunun direktoru, AMEA-nın müxbir üzvü Adil Qəribov və fizika-riyaziyyat elmləri namizədi İbrahim Qabulov Koreya Atom Enerjisi Tədqiqatları İnstitutu ilə ikitərəfli əməkdaşlıq münasibətlərinin qurulması məqsədilə yanvar ayının 18-dən 24-nə kimi Koreya Respublikasında səfərdə olublar. Modern.az-ın məlumatına görə, bu barədə AMEA-nın mətbuat xidməti xəbər verib. Səfər çərçivəsində AMEA Radiasiya Problemləri İnstitutu ilə Koreya Atom Enerjisi Tədqiqatları İnstitutu arasında elmi əməkdaşlıq sahəsində niyyət protokolu imzalanıb. Sənəddə birgə elmi-tədqiqat işlərinin aparılması, kadr hazırlığı, layihələrin həyata keçirilməsi nəzərdə tutulur. Bundan əlavə, Azərbaycan alimləri Koreyanın atom elektrik stansiyalarında olub, burada aparılan işlərlə maraqlanıblar.