Azərbaycanın işğal altında olan Ağdam və Füzuli rayonları istiqamətində erməni hərbi qüvvələri nəzarətdə saxladığı bir neçə kəndi boşaldıb. Buna səbəb kimi İrəvan erməniləri ilə Qarabağ erməniləri arasında qarşıdurmanın kulminasiya həddinə çatması göstərilir. Modern.az saytına cəbhə bölgəsində yerləşən kəndlərdən verilən məlumata görə, bir neçə gündür ki, adı çəkilən rayonlarda işğal olunmuş Azərbaycan kəndlərində davamlı atışmalar olub.
Bu atışmaların ardınca isə kəndlərin boşaldıldığı qeyd edilir. Sakinlər bir neçə dəfə sərbəst şəkildə boşaldılmış kəndlərə də gedə biliblər.
Ancaq Azərbaycan Müdafiə Nazirliyinin qüvvələri bunun qarşısını alıblar. Həmin kəndlər Milli Ordunun nəzarəti altına alınıb. Nədənsə bu məsələ barədə ictimaiyyətə məlumat verilmir.
Modern.az-ın əldə etdiyi məlumata görə Qarabağ erməniləri ilə İrəvan erməniləri arasında qarşıdurma o həddə çatıb ki, birincilər gizli şəkildə Qarabağın azərbaycanlı icmasına birləşmək üçün ismarıc da göndəriblər. Bakıdan isə Qarabağ icmasına bu məsələ ilə bağlı açiqlama verməmək töfsiyyə olunub.
Məsələnin təfərrüatı barədə öyrəndiyimiz o oldu ki, Xankəndində qondarma seçkilərdə Qarabağ erməniləri yer ala bilməyib. Buna etiraz edən Sergey Manukyan adlı bir professor deyib ki, bütün əziyyəti onlar çəkir, bəhrəsini isə İrəvan erməniləri və bir neçə Qarabağ ermənisi görür. Xankəndində təxminən 100-ə qədər erməni Manukyanı müdafiə edib.
Məsələnin böyüyəcəyini görən Ermənistan rəhbərliyi Manukyanı həbs etdirib. Bu xəbər Manukyanın oğluna (onun adını dəqiqləşdirmək mümkün olmadı) çatıb. Məlumatlara görə, o, atasının dərhal azad olunmasını tələb edib. Nəticədə onu da həbs etmək istəyiblər. Manukyanın oğlu Ağdam, Füzuli istiqamətində Azərbaycanın işğal edilmiş torpaqlarında yerləşən hərbi hissələrdən birində yüksək post tutur. Ümumiyyətlə, onun Qarabağ erməniləri arasında böyük hörmətə malik olduğu deyilir.
Bundan sonra Manukyanın oğlu tabeçiliyində olan hərbi qüvvələri Azərbaycanın işğal edilmiş kəndlərindən geri çəkməyə başlayıb. Bunu bilən Ermənistan rəhbərliyi məsələnin qarşısını almaq üçün bölgəyə hərbi qüvvə göndərib. Qarşıdurmada onlarla ölənlərin olduğu deyilir. Məsələnin böyüyəcəyini görən Sarkisyan aparatı güzəştə gedib. Ancaq hadisələrin nəzarətdən çıxacağını görüb Manukyanın özünü və oğlunu həbs etdirib. Bu isə hadisələri nəinki sakitləşdirib, əksinə, İrəvan erməniləri ilə Qarabağ erməniləri arasında qarşıdurmanı daha da dərinləşdirib.
Bu arada Ermənistan mətbuatı təmas xəttində tez-tez pilotsuz döyüş təyyarələrinin göründüyünü və bunların Azərbaycana məxsus olduğunu da yazıb.
Çox güman ki, son günlər Azərbaycanın rəsmi şəkildə işğal olunmuş ərziləri çox yaxın zamanlarda azad edəcəyi barədə bəyanatlar verməsinin arxasında bu faktor da dayanır.
Modern.az
