Modern.az xəbər verir ki, ABŞ-ın Beynəlxalq İnkişaf Agentlyinin (USAİD) maliyyələşdirdiyi Azərbaycanda Səhiyyənin Gücləndirilməsi Layihəsi “Vərəmlə bağlı stiqmaya qarşı mübarizə” mövzusunda elan etdiyi jurnalist yazıları müsabiqəsinin vaxtı 13 avqust 2012-ci il tarixədək uzadılıb.
Müsabiqənin məqsədi vərəm xəstəliyi ilə bağlı cəmiyyətdə mövcud stiqmanın aradan qaldırılması və vərəm xəstələrinin probleminə diqqəti cəlb etməkdir. Aşağıdakı mövzular üzrə materiallar təqdim edilə bilər:
Vərəmlə bağlı stiqma - səbəblərin araşdırılması və həlli yolları;
Stiqmaya məruz qalan vərəmlə xəstələnmiş şəxslərin üzləşdikləri problemlərin işıqlandırılması;
Vərəmlə bağlı stiqmatizasiyanın azaldılması üçün başqa ölkələrin təcrübəsi və müsbət nümunələr;
Vətəndaş cəmiyyəti institutlarının, KİV-in, dövlət qurumlarının vərəmlə bağlı stiqmatizasiyanın azaldılmasında rolu.
Müsabiqəyə KİV işçiləri qatıla bilər;
Bir neçə material təqdim oluna bilər;
Azərbaycan və Rus dillərində hazırlana bilər;
Məqalə 6-7 min çap işarəsi həcmində olmalıdır;
Jurnal və informasiya agentliklərinin rəsmi saytlarında, xəbər saytlarında, qəzet və jurnallarda çap oluna bilər.
Dərc olunmuş materialların elektron forması və linkləri məktubun mövzusunda “Müsabiqə üçün məqalə” [email protected] ünvanına göndərilməlidir, və ya dərc olunduğu qəzet və jurnallar B.Səfəroğlu küç., 133, SAT Plaza, 14-cü mərtəbə - ünvanına 13 avqust 2012-ci il tarixinə qədər təqdim olunmalıdır.
Birinci yer – ASUS laptopu, ikinci yer – ASUS netbuku, 3-cü yer – BlackBerry Curve telefonu ilə mükafatlandırılacaq. Əlavə məlumat üçün: (+99412) 596 5807/09.