Arxiv
25 Dekabr 2020, 15:15 | MEDİA
2020 media üçün nə ilə yadda qaldı...

İlin sonuna saylı günlər qalıb. Yola saldığımız il təbii olaraq, hər kəsin yaddaşında fərqli təəssüratlarla qalır. Maraqlıdır, bəs 2020-ci il ölkə mediası üçün nələrlə müşayiət olundu? Media nümayəndələri 2020-ci ili necə xatırlayacaq?

Modern.az tanınmış imza sahiblərilə danışıb.


Teletənqidçi, filologiya elmlər doktoru Qulu Məhərrəmli:

“Bu il çox çətin il oldu. Amma, burda müsbət cəhət odur ki, media idarəçiliyində müəyyən dəyişiklik oldu. Medianın siyasətini aparan insanlar vəzifədən kənarlaşdırıldı. Bununla da medianın qapısının ağzına vurulmuş qıfıl açıldı. Mediamızın böyük uğurları yoxdur, amma bununla yanaşı, mətbuata baxış tədricən dəyişib. Bunlar müsbət meyillərdir. Biz daha çox mediada dəyişiklikləri gələn ildən gözləyirik.

Bu il televiziyalar həm pandemiya ilə bağlı, həm də müharibə dövrü hadisələrini xalqa çatdırmaqla özünə xeyli auditoriya cəlb etdi. Yazılı mətbuatımızda da mövzu, məzmin dəyişikliyi özünü büruzə verir. Arzu edirik ki, gələn il də bu tendensiya davam etsin”.


“Yeni Müsavat”qəzetinin baş redaktoru Rauf Arifoğlu:


“2020-ci il ən çox hadisələr baş verən illərdən oldu. Bu il həm Azərbaycan Respublikası Parlamentinin seçki ili, həm dünyanı cənginə almış COVİD-19 pandemiyası, ən əsası illərdir həsrətini çəkdiyimiz torpaqlarımızı geri aldığımız il oldu. Vətən müharibəsində Azərbaycanın igid oğulları canını qurban verdi. Bunların hamısı bir ömrə sığacaq hadisələrdir, amma biz bunları bir ilə sığdırdıq.

Media sahəsindən danışsaq, bu il media üçün də ağır il oldu. Biz 2016-cı ilin Aprel döyüşlərinə qədər Azərbaycan mediası olaraq daim məğlubiyyət xəbərlərini xalqa çatdırmışıq. Biz kədər reportyorları olmuşuq. Amma 2016-cı ildən başlayaraq qələbə xəbərləri vermişik. Hər dəfə daha irəli getdiyimizi, qalib olacağımızı xalqa çatdırmışıq. Ən əsası, sentyabrın 27-dən bu günə qədər 30 il düşmən tapdağında qalmış əzəli Azərbaycan torpaqlarını geri aldığımız barədə xəbərləri çatdırmışıq. Döyüş bölgəsindən videomateriallar, reportajlar hazırlamışıq. Bu, Azərbaycan mediası üçün ilk idi. Ən əsası, media sahəsinin işçiləri Ali Baş Komandanla birgə Vətən müharibəsi zamanı və ondan sonra informasiya müharibəsi apardı. Cəbhədə Qələbə qazandığımız kimi, bu savaşımızda da qalib olduq. Bu baxımdan 2020-ci il pozitiv, yadda qalan oldu. Həm media sahəsi, həm də Azərbaycan xalqı üçün unudulmayacaq”.


“Türküstan” Media qrupunun rəhbəri Aqil Camal:


“Azərbaycan xalqının bir hissəsi olaraq media mənsubları üçün 2020-ci il torpaqlarımızın işğaldan azad edilməsi, qazandığımız Zəfərlə əlamətdar oldu. Bu tarixi hadisə media işçiləri üçün iki cəhətdən önəmli idi. Birincisi, vətəndaş olaraq bu prosesin izləyicisi, iştirakçısı olduq. Bir çox həmkarlarımız könüllü olaraq Vətən müharibəsinə qatıldı. Qazandığımız qələbələrə xalqımızla birlikdə sevindik. İtirdiyimiz şəhidlərimiz üçün hamılıqla üzüldük. Torpaqlarımızın işğaldan azad edilməsi ilə bir çox həmkarımız, o cümlədən mən, doğma torpaqlarımıza yenidən qovuşduq.

Digər tərəfdən, media Vətən müharibəsi prosesində informasiya savaşının əsas aparıcısı kimi aktiv oldu. Milyonlarla insan başqa vaxt olmadığı qədər medianı izlədi.

Bu baxımdan, 2020-ci idə qazandığımız Zəfər həm peşə, həm də şəxsi həyatımızda heç zaman unudulmayacaq əvəzsiz bir il olaraq qalacaq.

2020-ci il ölkə və dünya mediası üçün koronavirus pandemiyası ilə yadda qaldı. Pandemiyanın yaratdığı fəsadlar mediadan da yan keçmədi. Media qurumları reklam və digər məsələlərdə zərər gördülər. Qəzetlərin satışında ciddi problemlər yarandı. Pandemiya bir neçə dəyərli həmkarımızı bizdən aldı. Həmçinin, pandemiya dünyada, o cümlədən, ölkəmizdə insanların medianı daha çox izləməsinə səbəb oldu.  

Azərbaycan mediası 2020-ci ildə qeyd etdiyim məsələlərlə yanaşı, öz professionallığını, müasir informasiya texnologiyalarından daha geniş tətbiqi artırdı. İlin media ilə bağlı yaddaqalan hadisələrindən biri də Prezident yanında KİVDF-də rəhbər dəyişikliyi və qurumun fəaliyyətində baş verən keyfiyyət dəyişikliyi, yeni metod və yanaşmalar oldu”.

“Azvision.az” saytının baş redaktoru Vüsal Məmmədov bildirib ki, informasiya müharibəsində Azərbaycan özünü təsdiq edib:


“Bu il Azərbaycan mediası üçün iki istiqamətdə sınaq ili oldu. Əvvəlcə pandemiya şəraitində medianın üzərinə böyük maarrifçilik yükü düşdü. Virusdan qorunmaq üçün əhalini düzgün bilgiləndirmək istiqamətində böyük iş görülməli idi. İlin ikinci yarısında isə Vətən Müharibəsinin başlanması informasiya savaşını da yeni səviyyəyə qaldırdı. Azərbaycan mediası real informasiyaları yaymaqla yanaşı, həm də feyklərlə mübarizə aparmalı idi. Çünki indiyə qədər heç vaxt bu qədər feyk məlumat axını ilə üzləməmişdik.

İnformasiya cəbhəsində hər şeyi əvvəlcədən planlaşdırmaq mümkün deyil, çünki "əməliyyat şəraiti" tez-tez dəyişir. Yeni platformalar məşhurlaşır, köhnələr aktuallığını itirir. Məsələn, "telegram" sürətlə populyarlaşır, sən diqqəti ora yönəldirsən, amma bu zaman heç gözlənilmədən "TikTok" dezinformasiyaların yayıldığı əsas platformaya çevrilir. Sahə son dərəcə dinamikdir, şərtlər sürətlə dəyişir. Buna görə də informasiya müharibəsi çox mürəkkəb işdir. Buna baxmayaraq, mediamız lazım olan çevikliyi göstərə bildi: hər iki halda qısa müddətdə toparlanaraq, lazım olan istiqamətdə hücumlara əvvəlcə cavab verdi, sonra isə özü hücuma keçdi.

Ümumiləşdirsək, ilin nəticələri göstərdi ki, Azərbayan mediası istənilən çağırışa cavab verəcək potensiala sahibdir və həmin potensialı qısa müddətdə səfərbər etməyi də bacarır”.

 

Fidan İlqarqızı

BU KATEQORİYADAN OLAN DİGƏR XƏBƏRLƏR
+ Arxiv
Temperatur 10 dərəcə aşağı düşəcək, Bakıya qar yağacaq - XƏBƏRDARLIQ 18 Yanvar 2021, 11:51 Oqtay Şirəliyev əhalini vaksin vurdurmağa çağırdı - təhlükəsizdir 18 Yanvar 2021, 11:47 Koronavirus bu hadisədən sonra yayılıb - Alimlərdən açıqlama 18 Yanvar 2021, 11:42 Vətən müharibəsi qəhrəmanlarına təqaüdlərin verilməsi BAŞLADI  18 Yanvar 2021, 11:38 Koronavirusa yoluxan Rəşid Mahmudov: “Yaxşıyam, lap dəf kimiyəm” 18 Yanvar 2021, 11:35 Uşaq bağçaları da açılır? 18 Yanvar 2021, 11:32 Türkiyə-Azərbaycan birgə təlimləri Ermənistanı QORXUYA SALDI 18 Yanvar 2021, 11:27 Baş Prokurorluq insan alveri ilə bağlı videoçarx hazırladı 18 Yanvar 2021, 11:25 Südün tərkibi və bioloji xüsusiyyətləri - MƏQALƏ 18 Yanvar 2021, 11:22 Ağdamın Xıdırlı kəndi - VİDEO 18 Yanvar 2021, 11:18 İcra başçısı Şəhid məzarlarını ziyarət etdi - FOTO 18 Yanvar 2021, 11:13 Oqtay Şirəliyevə vaksin vuruldu - VİDEO 18 Yanvar 2021, 11:08 Qazax sakinindən silah və narkotik götürüldü - FOTOLAR 18 Yanvar 2021, 11:04 Vahid Əhmədov: “Möhtəkirlər yenə də əhalini çətin vəziyyətdə qoyacaqlar” 18 Yanvar 2021, 10:59 Vaksin vurduran şəxslərə COVID-19 pasportu VERİLƏCƏK 18 Yanvar 2021, 10:56 Cəbrayıl və Qubadlıda daha 3 erməni hərbçinin cəsədi TAPILDI 18 Yanvar 2021, 10:53 Nazirlik 20 Yanvarla bağlı müraciət etdi 18 Yanvar 2021, 10:49 Polietilen torbaların ishtehsalı və satışı bu tarixdən tam qadağan olunacaq   18 Yanvar 2021, 10:44 Şuşada beşmərtəbəli binada YANĞIN 18 Yanvar 2021, 10:38 Yol polisi vətəndaşalara müraciət etdi 18 Yanvar 2021, 10:33 Prokuror olmaq istəyənlərin nəzərinə 18 Yanvar 2021, 10:28 Postlardan 4 min maşın geri qaytarıldı 18 Yanvar 2021, 10:23 Müharibədən qayıdan jurnalist: “Mən də könüllü yazılmışdım, atam da...” - MÜSAHİBƏ 18 Yanvar 2021, 10:21 Bu ölkədə hərbçilər evdən xidmət aparacaq – MARAQLI 18 Yanvar 2021, 10:16 Daha bir tanınmış həkim vəfat - FOTO 18 Yanvar 2021, 10:10 Xəzan bilməyən fəsildir şair ömrü   18 Yanvar 2021, 10:05 Miqrasiya xidməti əcnəbilərə müraciət etdi 18 Yanvar 2021, 10:00 Qərb Navalnının saxlanılmasını pislədi – Yeni sanksiyalar hazırlanır 18 Yanvar 2021, 09:55 Azərbaycanda koronavirus peyvəndləri birinci onlara VURULACAQ 18 Yanvar 2021, 09:49 Cəbrayıl polisi Bakı sakinlərini narkotiklə tutdu 18 Yanvar 2021, 09:48 Hay sürüsünün növbəti uydurma əsərinə aid mülahizələr - II HİSSƏ 18 Yanvar 2021, 09:43 Türkiyədə zəlzələ baş verdi 18 Yanvar 2021, 09:38 30 ildə Qarabağı talayan xarici şirkətlər - ADLAR 18 Yanvar 2021, 09:32 Neft yenidən ucuzlaşdı 18 Yanvar 2021, 09:26 Deputatlar işə çıxdılar 18 Yanvar 2021, 09:20