Modern.az

Agentlik: “Bakıda gündəlik nəqliyyat axını 18% artıb”

Agentlik: “Bakıda gündəlik nəqliyyat axını 18% artıb”

Aktual

30 Dekabr 2020, 16:18

Sərt karantin rejiminin tətbiq edilməsinə və sms icazə sisteminin mövcudluğuna rəğmən son vaxtlar gündəlik sərnişin səfər sayında və nəqliyyat axınında artım müşahidə olunur.

 

Bakı Nəqliyyat Agentliyindən (BNA) Modern.az-a verilən məlumata görə, Nəqliyyatı İntellektual İdarəetmə Sistemi tərəfindən 42 küçə və prospektdə aparılan təhlillərə əsasən 14-18 dekabr aralığında gündəlik nəqliyyat axınında müşahidə olunan azalma tendensiyası dekabrın 21-dən sonra artıma doğru dəyişib:

"Gündəlik nəqliyyat axınında qeydə alınan artım təxminən 18%-dir. Son iki günün statistikası artım dinamikasının davam etdiyini göstərir. Belə ki, 29 dekabr tarixində 42 küçə və prospektdə sms icazə sistemindən əvvəl 7 dekabr tarixində olduğu kimi təxminən bir milyondan artıq nəqliyyat vasitəsi qeydə alınıb.

 

Artım özünü gündəlik sərnişin səfər sayında da göstərməkdədir".

Rəsmi məlumata görə, SMS icazə sisteminin tətbiq olunduğu ilk həftə ilə müqayisədə  gündəlik sərnişin səfər sayının təxminən 1 200 000-ə qədər idisə, hazırda bu göstərici 1 500 000-dən çoxdur.

 

 

 

 

Instagram
Gündəmdən xəbəriniz olsun!
Keçid et
Paşinyan Qazaxa gəldi - Ermənilər üzərinə hücum çəkdi